రామ్ చరణ్ నిర్మాణంలో మెగాస్టార్ చిరంజీవి హీరోగా నటిస్తున్న 153వ చిత్రం ఆచార్య. కొరటాల శివ దర్శకత్వం వహిస్తున్నాడు. కాజల్ అగర్వాల్ మెగాస్టార్ కు జోడీగా నటిస్తుంది. లాక్ డౌన్ అనంతరం ఈ చిత్రం యొక్క షూటింగ్ శరవేగంగా జరుపుకుంటుంది. ఇప్పటికే ఈ చిత్రం నుండి విడుదలైన చిరంజీవి, చరణ్ ఫస్ట్ లుక్ లు ఆకట్టుకుంటున్నాయి. ఇటీవల విడుదలైన టీజర్ కు మంచి రెస్పాన్స్ వచ్చింది. ప్రస్తుతం ఈ చిత్రం యొక్క షూటింగ్ ఆంధ్రప్రదేశ్ లోని మారేడుమిల్లి అడవి ప్రాంతంలో జరుగుతుంది.
షూటింగ్ స్పాట్ నుండి రామ్ చరణ్ లుక్ లీక్ అవ్వడంతో మెగా అభిమానులు పండగ చేసుకుంటున్నారు. ఈ చిత్రంలో రామ్ చరణ్, చిరంజీవికి శిశ్యుడు గా సిద్దా అనే పాత్రలో నటిస్తున్నాడు. ఆయనకు జోడీగా పూజా హేగ్డే నటిస్తుంది. తాజా సమాచారం మేరకు నేటి నుండి పూజా హేగ్డే ఆచార్య సెట్స్ లో సందడి చేస్తుంది. రామ్ చరణ్ తో కొన్ని సన్నివేశాలను మరియు ఓ పాటను చిత్రీకరించనున్నారు. ఓ పదిహేను రోజుల పాటు ఆమె డేట్స్ ను ఆచార్య టీమ్ వినియోగించుకొనున్నది. మే 13వ తేదీన ఈ చిత్రం విడుదల అవ్వుతుంది.
ఈ నేపథ్యంలో పూజా హేగ్డే తమిళంలో విజయ్ తో ఓ సినిమాలో నటించనున్నది. ప్రస్తుతం హిందీలో సర్కస్ అనే చిత్రంలో నటిస్తుంది. అక్కినేని అఖిల్ తో కలిసి మోస్ట్ ఎలిజిబుల్ బ్యాచిలర్ అనే చిత్రంలో నటిస్తుంది. ఈ చిత్రానికి బొమ్మరిల్లు బాస్కర్ దర్శకత్వం వహిస్తున్నాడు. ప్రభాస్ తో రాధే శ్యామ్ అనే చిత్రంను పూర్తి చేసింది. ఈ చిత్రం జూలై 30న విడుదల అవ్వుతుంది.