పవన్ కళ్యాణ్ మరియు హరీష్ శంకర్ కాంబినేషన్ లో గతంలో గబ్బర్ సింగ్ అనే చిత్రం వచ్చిన సంగతి తెలిసిందే. వరస ఫ్లాప్స్ తో వస్తున్న పవన్ కళ్యాణ్ కు ఈ చిత్రం మంచి విజయం అందించడంతో హిట్టు ట్రాక్ లోకి వచ్చాడు. మరల ఇదే కాంబినేషన్ లో ఓ సినిమా రూపొందనున్నది. దర్శకుడు హరీష్ శంకర్ ఇప్పటికే స్క్రిప్ట్ వర్క్ పూర్తి చేసి సిద్దంగా ఉన్నాడు. మరోసారి పవన్ కు బంపర్ హిట్టును అందించాలని గట్టి పట్టుదలతో ఉన్నాడు.
పవన్ అభిమానులు కూడా ఈ చిత్రం కోసం ఎంతగానో ఎదురుచూస్తున్నారు. ఇలాంటి తరుణంలో మరో గుడ్ న్యూస్ ను తెలిపింది హరీష్ శంకర్ టీమ్. పవన్ కెరీర్ లో తొలిప్రేమ, ఖుషీ, జల్సా చిత్రాలు ఎంతటి ఘనవిజయం సాదించాయో మనం ఆల్రెడీ చూసాము. ఈ చిత్రాలకు ఆర్ట్ డైరక్టర్ ఆనంద్ సాయి పని చేశాడు. పవన్ కళ్యాణ్ కు చాలా దగ్గరివాడు, సన్నిహితుడు కూడాను. ఈ విషయాన్ని పవన్ చాలా ఆడియో ఫంక్షన్స్ లో చెప్పాడు. అయితే మరోసారి ఆనంద్ సాయి పవన్ కళ్యాణ్, హరీష్ శంకర్ సినిమాకోసం పనిచేస్తున్నాడు.
ఈ విషయాన్ని అధికారికంగా ప్రకటించింది. త్వరలోనే ఈ చిత్రం సెట్స్ పైకి వెళ్లనున్నది. పవన్ కళ్యాణ్ సినిమా విషయానికి వస్తే ప్రస్తుతం మలయాళం మూవీ అయ్యపనుమ్ కొషియమ్ చిత్రాని తెలుగు రీమేక్ లో నటిస్తున్నాడు. రానా కీలక పాత్రలో నటిస్తున్నాడు. సాయి పల్లవి హీరోయిన్ గా పవన్ కు భార్యగా నటించనున్నది. ఈ నేపథ్యంలోనే క్రిష్ మూవీలో నటించడానికి గ్రీన్ సిగ్నల్ ఇచ్చాడు. ఇప్పటికే ఈ చిత్రం సెట్స్ పైకి వెళ్ళింది పీరియాడికల్ నేపథ్యం కలిగిన మూవీ గా రాబోతుంది. ఈ చిత్రాని ఏ‌ఎం రత్న నిర్మిస్తున్నాడు. ఎం‌ఎం కీరవాణి సంగీతం అందించనున్నాడు.