పవర్ స్టార్‌ పవన్‌ కళ్యాణ్‌ మూడు సంవత్సరాల క్రితం అజ్ఞాత వాసి సినిమాతో ప్రేక్షకుల ముందుకు వచ్చాడు. అప్పటి నుండి సినిమా విషయంలో ఆయన కాస్త దూరం ఉంటూ వచ్చాడు. ఎక్కువగా రాజకీయాలు చేస్తూ బిజీ అయ్యాడు. ఇలాంటి సమయంలో మళ్లీ పింక్‌ మూవీ రీమేక్ వకీల్ సాబ్ తో తెలుగు ప్రేక్షకుల ముందుకు వచ్చేందుకు సిద్దం అవుతున్నాడు. అందుకు సంబంధించిన విషయం ప్రస్తుతం ఇండస్ట్రీ వర్గాల్లో చర్చ జరుగుతోంది. భారీ ఎత్తున అంచనాలున్న ఈ సినిమా టీజర్ ను సంక్రాంతి కానుకగా ప్రేక్షకుల ముందుకు తీసుకు వచ్చారు.
రికార్డు బ్రేకింగ్ వ్యూస్ తో సినిమా టీజర్ రచ్చ రచ్చ చేస్తోంది. టీజర్ వ్యూస్ ఇప్పటికే దాదాపుగా పది మిలియన్ లకు చేరువ అయ్యాయి. ఇక లైక్స్ విషయంలో కూడా కుమ్మేస్తున్నారు. వరుసగా టాలీవుడ్ లో ఉన్న రికార్డులను లైక్స్ తో వకీల్ సాబ్ బ్రేక్ చేశాడు. అతి తక్కువ సమయంలో లైక్స్ రికార్డును బ్రేక్ చేయడం వకీల్ సాబ్ కే దక్కింది. ఎన్టీఆర్‌ కొమురం భీమ్‌ వీడియో ను టార్గెట్‌ చేసిన వకీల్ సాబ్ టీజర్ పలు విభాగాల్లో బీట్ చేసింది. ఆర్ఆర్‌ఆర్‌ టీజర్ను బీట్ చేసింది అంటూ వకీల్ సాబ్ రేంజ్ ఏంటో క్లారిటీ వచ్చేసింది.
దిల్‌ రాజు నిర్మాణంలో వేణు శ్రీరామ్‌ దర్శకత్వంలో రూపొందిన ఈ సినిమాకు అంచనాలు ఆకాశాన్ని తాకేలా ఉన్నాయి. అంచనాలకు తగ్గట్లుగాఈ సినిమా ఉంటుంది అంటూ టీజర్ను చూస్తుంటే అనిపిస్తుంది. రికార్డులు బ్రేక్ చేసే విధంగా వసూళ్లు నమోదు అవుతాయని అంటున్నారు. వకీల్ సాబ్ సినిమా పింక్‌ కు రీమేక్ అనే విషయం తెల్సిందే. పింక్‌ కు కమర్షియల్‌ టచ్‌ ఇచ్చి ఈ సినిమాను రూపొందించారు. పింక్‌ సినిమా మహిళ ప్రధానమైన సినిమా. కాని వకీల్ సాబ్ మాత్రం అలా కనిపించడం లేదు అంటున్నారు.