బాలీవుడ్‌ హిట్‌ మూవీ పింక్‌ రీమేక్ తో పవన్ రీ ఎంట్రీ ఇస్తున్న విషయం తెల్సిందే. ఈ సినిమాకు సంబంధించిన షూటింగ్‌ పూర్తి అయ్యి నెలలు గడుస్తుంది. వచ్చే నెలలో ఈ సినిమాను విడుదల చేయబోతున్నారు. ఇక ఈ సినిమా నుండి ఇప్పటికే మగువ పాట వచ్చి మంచి విజయాన్ని సొంతం చేసుకుంది. అప్పటి నుండి ఇప్పటి వరకు మళ్లీ వకీల్‌ సాబ్ సినిమా నుండి కొత్త పాట వచ్చిందే లేదు.
ఏడాది తర్వాత మళ్లీ ఒక పాటను విడుదల చేసేందుకు ఏర్పాట్లు చేస్తున్నట్లుగా అధికారికంగా ప్రకటన వచ్చింది. రేపు వకీల్‌ సాబ్ లోని ఒక జానపథం సాంగ్‌ ను థమన్ విడుదల చేయబోతున్నాడు. ఈమద్య కాలంలో జానపథం కు ఉన్న క్రేజ్‌ ఏంటో ప్రత్యేకంగా చెప్పనక్కర్లేదు. అందుకే ఈ సినిమా నుండి రాబోతున్న ఆ పాట కోసం ఫ్యాన్స్ ఆసక్తిగా ఎదురు చూస్తున్నారు. పెద్ద ఎత్తున ఈ సినిమా ను విడుదల చేయాలనే ఉద్దేశ్యంతో కాస్త కమర్షియల్‌ ఎలిమెంట్స్‌ ను జోడించడం జరిగింది. దాంతో ఈ సినిమా వంద కోట్లకు పైగా బిజినెస్ చేసింది. పవన్ మూడు సంవత్సరాల తర్వాత చేసిన సినిమా అవ్వడం వల్ల తప్పకుండా ఇదో మంచి సినిమా గా వస్తుందనే నమ్మకంను ప్రేక్షకులు మరియు అభిమానులు వ్యక్తం చేస్తున్నారు.
వేణు శ్రీరామ్‌ దర్శకత్వంలో రూపొందిన ఈ సినిమా ను దిల్‌ రాజు నిర్మించాడు. పెద్ద మొత్తంలో సినిమా వసూళ్లు సాధించి రికార్డు బ్రేక్‌ చేస్తుందని అభిమానులు అంటున్నారు. శృతి హాసన్ హీరోయిన్‌ గా నటించిన ఈ సినిమాలో కీలక పాత్రలో అంజలి మరియు నివేథా థామస్ లు నటించారు. ఇక ఈ సినిమా నుండి రాబోతున్న రెండవ పాట ఫోక్‌ సాంగ్‌ అవ్వడంతో దుమ్ము రేపడం ఖాయం అంటూ అభిమానులు నమ్మకంగా చెబుతున్నారు. సినిమా వచ్చే నెలలో ప్రేక్షకుల ముందుకు రాబోతున్న విషయం తెల్సిందే. అప్పటి వరకు పాట ను అభిమానులు ఎంజాయ్‌ చేయబోతున్నారు.