పవర్ స్టార్ పవన్ కళ్యాణ్ వకీల్ సాబ్ ను పూర్తి చేసుకొని మలయాళం మూవీ అయ్యప్పనుమ్ కొషియమ్ తెలుగు రీమేక్ లో నటిస్తున్నాడు. ఈ చిత్రంలో రానా మరో కీలక పాత్రలో నటిస్తున్నాడు. భారీ అంచనాల నడుమ ఈ చిత్రం రూపొందుతుంది. ఈ చిత్రంలో పవన్ కళ్యాణ్ కి జోడీగా బాలీవుడ్ హీరోయిన్ ను తీసుకునే పనిలో ఉన్నారు మేకర్స్. రానా కి జోడీగా సాయి పల్లవి నటిస్తుంది. ఈ చిత్రానికి సాగర్ చంద్ర దర్శకత్వం వహిస్తున్నాడు.
పూజ కార్యక్రమాలను పూర్తి చేసుకున్నా ఈ చిత్రం నిన్న హైదరాబాద్ లో షూటింగ్ జరుపుకోవడానికి సిద్దం అయింది. నిన్న పవన్ కళ్యాణ్ ఈ చిత్రం యొక్క షూటింగ్ సెట్స్ లో సందడి చేశాడు. ఆయనకు సంబందించిన లుక్ ఒక్కటి లీక్ అయ్యింది. సింపుల్ లుక్ తో మెడలో ఎర్రటి దారంతో కనిపించాడు. ఈ చిత్రం కోసం ఆయన లుక్ నేమి చేంజ్ చేయలేదు. చాలా సింపుల్ గా కనిపించాడు. పవన్ కళ్యాణ్ ఇప్పటి వరకు నటించిన చాలా చిత్రాల్లో లుక్ విషయంలో అంతగా మార్పులు ఏమి చేయలేదు.
ప్రస్తుతం ఆయన నటించిన వకీల్ సాబ్ లుక్ కి, ఇప్పుడు నటించబోయే లుక్ కి పెద్ద తేడా ఏమి లేదు. ఈ లుక్ తోనే ఈ చిత్రం కు సంబందించిన ప్రీ లుక్ ను చిత్రా బృందం త్వరలో విడుదల చెయ్యనున్నది. క్రిష్ దర్శకత్వంలో మరో చిత్రంలో నటిస్తున్నాడు. పీరియాడికల్ నేపథ్యంలో ఆ చిత్రం ఉంటుంది. ఆ తర్వాత గబ్బర్ సింగ్ దర్శకుడు హరీష్ శంకర్ తో ఓ సినిమా ఉన్నది. ప్రముఖ నిర్మాత బండ్ల గణేశ్ నిర్మాణంలో రమేష్ వర్మ దర్శకత్వంలో ఓ సినిమా చెయ్యాలిసి ఉంది. ఓ వైపు సినిమాలు చేస్తూ మరో వైపు ఏ‌పి రాజకీయాల్లో కీలక వ్యక్తిగా కొనసాగుతున్నాడు.