పవన్ కళ్యాణ్ ఓ వైపు రాజకీయాలతోనూ మరో వైపు సినిమాల్లోనూ బిజీగా ఉన్నాడు. దిల్ రాజు నిర్మాణంలో వకీల్ సాబ్ చిత్రాన్ని పూర్తి చేసుకున్నాడు. క్రిష్ దర్శకత్వంలో ఓ సినిమాలో నటిస్తున్నాడు. గత కొద్ది రోజుల నుండి ఈ చిత్రం యొక్క షూటింగ్ లో పాల్గొంటున్నాడు. ఈ చిత్రం సెట్స్ పైన ఉండగానే మలయాళం మూవీ అయ్యప్పనుమ్ కొషియమ్ ను తెలుగు రీమేక్ లో సాగర్ చంద్ర దర్శకత్వంలో నటిస్తున్నాడు. ఈ చిత్రంలోని మరో కీలక పాత్రలో రానా నటిస్తున్నాడు. సాయి పల్లవి హీరోయిన్ గా నటిస్తుంది.
మరో హీరోయిన్ ఎవరు అనే విషయం పై త్వరలో అధికారిక ప్రకటన వెలువడే అవకాశం ఉంది. ఈ చిత్రం తర్వాత గబ్బర్ సింగ్ చిత్ర దర్శకుడు హరీష్ శంకర్ డైరెక్షన్ లో ఓ చిత్రం చెయ్యాలిసి ఉంది. ఇప్పటికే స్క్రిప్ట్ వర్క్ పూర్తి చేసుకొని పవన్ రాక కోసం దర్శకుడు ఎదురుచూస్తున్నాడు. ఇప్పుడు పవన్ సినిమా దర్శకుల లిస్ట్ లోకి రమేశ్ వర్మ పేరు వినపడుతుంది. ఈ దర్శకుడు ప్రస్తుతం మాస్ మహారాజ్ రవి తేజ తో ఖిలాడి అనే చిత్రంను తెరకెక్కిస్తున్నాడు.
ఈ చిత్రం పూర్తి అయిన వెంటనే పవన్ కళ్యాణ్ తో ఓ సినిమా చేస్తాడని వార్తలు వస్తున్నాయి. ఈ చిత్రాని బండ్ల గణేశ్ నిర్మించనున్నాడు. ఎప్పటి నుండో పవన్ తో సినిమా చెయ్యడానికి వెయిట్ చేస్తున్న బండ్ల రమేశ్ వర్మ కు దర్శకుడిగా ఛాన్స్ ఇచ్చినట్లుగా ఫిల్మ్ నగర్ సర్కిల్ నుండి అందుతున్న సమాచారం. రమేశ్ వర్మ కూడా పవన్ కు కథను వినిపించినట్లుగా తెలుస్తుంది. పవన్ అందుకు సానుకూలంగా ఉన్నట్లుగా సమాచారం. వరస సినిమాలతో పవన్ కళ్యాణ్ ఫుల్ జోష్ లో ఉన్నాడు. మరల అసెంబ్లి ఎన్నికల లోపు సినిమాలను పూర్తి చేసి పూర్తి స్థాయిలో ఎన్నికలపై దృష్టి పెట్టనున్నాడని తెలుస్తుంది.