జనసేన అధినేత.. పవర్‌ స్టార్‌ పవన్‌ కళ్యాణ్‌ ను కన్నడ సూపర్‌ స్టార్‌ సుదీప్‌ కలిశాడు. వీరిద్దరు కలవడం చర్చనీయాంశం అయ్యింది. ఇద్దరి మద్య గత పరిచయం ఏమీ లేదు. ఇద్దరు కూడా గతంలో కలిసింది కూడా లేదు. ఇద్దరు రాజకీయ సంబంధాలు కూడా కలిగి లేరు. అయినా కూడా పవన్‌ ను సుదీప్‌ కలవడం వెనుక ఏదో కారణం ఉండి ఉంటుందని సినీ జనాలు మరియు రాజకీయ వర్గాల వారు అంటున్నారు. వీరిద్దరి భేటీకి సంబంధించి ఎలాంటి అధికారిక ప్రకటన బయటకు రాలేదు.
పవన్‌ కళ్యాన్‌ ను సుదీప్‌ కలిసి మొక్కను బహుమానంగా ఇవ్వడంతో పాటు పలు సామాజిక మరియు రాజకీయ అంశాల గురించి మాట్లాడినట్లుగా తెలుస్తోంది. ఇద్దరు కలిసి అనేక విషయాలను మాట్లాడుకున్నారు. ఆ విషయాల గురించి స్పష్టత రానప్పటికి మీడియాలో మాత్రం ఎవరికి ఇష్టం వచ్చినట్లుగా వారు ఈ విషయమై ఊహాగాణాలు పుట్టిస్తున్నారు. సుదీప్‌ కు పవన్‌ రాజకీయ ప్రయాణం నచ్చడం వల్లే వచ్చి కలిశాడు అంటూ కొందరు పవన్‌ అభిమానులు చెబుతున్నారు.
మరి కొందరు రాజకీయ కారణం ఏమీ లేదని సాదారణంగానే పవన్‌ ను ఆయన కలిసి ఉంటాడు అంటున్నారు. గతంలో పవన్‌ సినిమాను సుదీప్‌ రీమేక్‌ చేశాడు. ఆ కారణంగా కూడా కలిసి ఉండవచ్చు అంటున్నారు. అసలు విషయం ఏంటీ అనేది పక్కన పెడితే వీరిద్దరి కలయిక చాలా అరుదైనదిగా చెప్పుకోవచ్చు.
తెలుగులో స్టార్‌ హీరో అయిన పవన్‌ కన్నడంలో స్టార్‌ హీరో అయిన సుదీప్‌ కలవడం హాట్‌ టాపిక్‌ అయ్యింది. భవిష్యత్తులో వీరిద్దరు కలిసి నటించే అవకాశాలు ఉన్నాయని దీన్ని బట్టి అర్థం అవుతుందని కొందరు ఊహించుకుంటున్నారు. మొత్తానికి రచ్చ రచ్చగా సోషల్‌ మీడియాలో టాక్‌ నడుస్తోంది.