మలయాళం సినిమా అయ్యపనుమ్ కొషియమ్ ను తెలుగులో పవన్ కళ్యాణ్, రానా ప్రధాన పాత్రలో సాగర్ చంద్ర దర్శకత్వంలో రూపొందుతున్న సంగతి అందరికి తెలిసిందే. ఈ చిత్రానికి మాటల మాంత్రికుడు త్రివిక్రమ్ శ్రీనివాస్ డైలాగులు, మాటలు అందిస్తున్నాడు. పవన్ కళ్యాణ్ కు ఇది 27 వ సినిమా వకీల్ సాబ్ చిత్రాని పూర్తి చేసి వెంటనే ఈ చిత్రాని సెట్స్ పైకి తీసుకెళ్ళాడు. ఫ్యామిలీ అండ్ యాక్షన్ ఎంటర్ టైనర్ గా ఈ చిత్రం రూపొందుతుంది.
ఈ చిత్రంలో సాయి పల్లవి పవన్ కళ్యాణ్ కు భార్యగా నటిస్తుంది. నెల రోజుల క్రిందట ప్రారంభమైన ఈ చిత్రం శరవేగంగా షూటింగ్ జరుపుకుంటుంది. ఇప్పటికే 40 శాతం షూటింగ్ ను పూర్తి చేసినట్లుగా ఈ చిత్ర నిర్మాత నాగ వంశీ తెలియజేశాడు. మే నెల నాటికి షూటింగ్ పూర్తి చేసి ఆగష్టు లేదా సెప్టెంబర్ లో సినిమా విడుదల చేసే అవకాశం ఉందని తెలిపాడు. ఈ చిత్రానికి తమన్ సంగీతం అందిస్తున్నాడు. ఇప్పటికే వకీల్ సాబ్ చిత్రానికి మంచి బాణీలు అందించిన తమన్ మరోసారి పవన్ కళ్యాణ్ రానా సినిమాకు అదిరిపోయే ట్యున్స్ ను రెడీ చేస్తున్నాడు.
ఈ చిత్రం యొక్క మొదటి షూటింగ్ రోజున ఫస్ట్ గ్లింప్స్ ను విడుదల చేయగా బ్యాక్ గ్రౌండ్ స్కోర్ తో తమన్ ఆకట్టుకున్నాడు. మెగా, పవర్ స్టార్ అభిమానులు సైతం తమన్ ను తమ పొగడ్తలతో ముంచెత్తారు. క్రిష్ తో ఓ పీరియాడికల్ మూవీలో పవన్ కళ్యాణ్ నటిస్తున్నాడు. నిధి అగర్వాల్ హీరోయిన్ గా నటిస్తుంది. ప్రస్తుతం పవన్ కళ్యాణ్ ఈ రెండు చిత్రాల షూటింగులతో బిజీగా ఉన్నాడు.