పవన్ కళ్యాణ్ క్రిష్ కాంబినేషన్ లో పీరియాడికల్ నేపథ్యం కలిగిన ఓ చిత్రం రూపొందుతున్న సంగతి అందరికి తెలిసిందే. మొట్ట మొదటిసారిగా పవన్ నటిస్తున్న హిస్టారికల్ మూవీ.. ఈ చిత్రం యొక్క స్టోరీ శతాబ్దాలకాలం నాటిది. ఈ చిత్రంలో పవన్ వజ్రాల దొంగ పాత్రలో కనిపిస్తాడు అనే టక్ వినపడుతుంది. ఈ చిత్రం కోసం క్రిష్ భారీ సెటింగ్స్ ను నిర్మిస్తున్నాడు.
హైదరాబాద్ నగర శివారుల్లో ఇప్పటికే పురాతన కాలం నాటి ఛార్మినార్ సెట్ ను నిర్మించాడు. ఈ నేపథ్యంలోనే గండికోట సంస్థానంను కూడా ఏర్పాటు చేశాడు. కొంతమంది పైల్వాన్స్ ను క్రిష్ రంగంలోకి దింపుతున్నాడు. వారందరు పవన్ కళ్యాణ్ తో దిగిన ఫోటో సోషల్ మీడియాలో వైరల్ గా మారింది. క్రిష్ బృందం ఈ చిత్రం నుండి పవన్ కళ్యాణ్ ఫస్ట్ లుక్ ను మహాశివరాత్రి కానుకగా విడుదల చేయబోతున్నట్లుగా ప్రకటించింది.
ఈ వార్తతో సోషల్ మీడియాలో అభిమానులు పండగ చేసుకుంటున్నారు. ఈ చిత్రానికి హర హర మహాదేవ అనే టైటిల్ ప్రచారంలో ఉంది. త్వరలో ఈ చిత్రం యొక్క టైటిల్ కూడా ప్రకటించే అవకాశం ఉంది. ఈ చిత్రానికి ఎం‌ఎం కీరవాణి సంగీతం అందిస్తున్నాడు. భారీ బడ్జెట్ తో ఏ‌ఎం రత్న నిర్మిస్తున్నాడు. ఈ చిత్రంతో పవన్ కళ్యాణ్ కు 27 చిత్రాలు పూర్తి అవుతాయి. ఈ నేపథ్యంలోనే అయ్యపనుమ్ కొషియమ్ ను సెట్స్ పైకి తీసుకువెళ్ళాడు. ఈ చిత్రం యొక్క షూటింగ్ శరవేగంగా జరుపుకుంటుంది. దిల్ రాజు నిర్మాణంలో వకీల్ సాబ్ చిత్రాని పూర్తి చేశాడు.