లాక్ డౌన్ తర్వాత న్యాచురల్ స్టార్ నాని సినిమాల విషయంలో స్పీడ్ పెంచాడు. వరసగా తన తదుపరి చిత్రాలను లైన్ లో పెట్టాడు. నిన్నుకోరి, మజిలీ చిత్రాల దర్శకుడు శివ నిర్వాణ దర్శకత్వంలో టక్ జగదీష్ చిత్రాని పూర్తి చేశాడు. రీతూ వర్మ, ఐశ్వర్య రాజేశ్ లు హీరోయిన్స్ గా నటించారు. ఫ్యామిలీ అండ్ రొమాంటిక్ ఎంటర్టైనర్ గా ఈ చిత్రం రూపొందింది. ఈ చిత్రం ఏప్రిల్ 16న విడుదల అవ్వుతుంది. ఈ నేపథ్యంలోనే టాక్సీవాల దర్శకుడు రాహుల్ సాంకృత్యాన్ దర్శకత్వంలో శ్యామ్ సింగరాయ్ అనే చిత్రంలో నటిస్తున్నాడు.
ఈ చిత్రం యొక్క షూటింగ్ కలకత్తా లో జరుగుతుంది. అయితే ఈ చిత్రంలోని నాని లుక్ పై సోషల్ మీడియాలో ఓ న్యూస్ వైరల్ అవ్వుతుంది. ఈ నెల 24 న నాని పుట్టినరోజు కావున శ్యామ్ సింగరాయ్ నుండి ఫస్ట్ లుక్ ను మరియు అయిన నటించిన టక్ జగదీష్ నుండి టీజర్ ను విడుదల చేయబోతున్నట్లుగా వార్తలు వస్తున్నాయి. నాని అభిమానులు కూడా ఈ చిత్రాల నుండి అప్డేట్ కోసం ఎంతగానో ఎదురుచూస్తున్నారు. నాని నటించిన వి మూవీ నిరాశ పరచడంతో టక్ జగదీష్ చిత్రంపై ఆశలు పెట్టుకున్నారు. ఈ విషయంపై మరో రెండు రోజుల్లో అధికారిక ప్రకటన వెలువడే అవకాశం ఉంది.
ఈ క్రమంలోనే నాని “అంటే సుందరానికి” అనే చిత్రంలో నటించనున్నాడు. ఈ చిత్రానికి వివేక్ ఆత్రేయ దర్శకత్వం వహిస్తున్నాడు. నజ్రియా నజీమ్ హీరోయిన్ గా నటించనున్నది. మైత్రి మూవీ మేకర్స్ ఈ చిత్రాని నిర్మించనున్నారు. వివేక్ సాగర్ ఈ చిత్రానికి సంగీతం అందించనున్నాడు. రొమాంటిక్ ఎంటర్టైనర్ గా ఈ చిత్రం తెరకెక్కనున్నది.