బాహుబలి కు ముందు తర్వాత ప్రభాస్ లో చాలా మార్పులు వచ్చాయి. పాన్ ఇండియా హీరోగా మారిపోయాడు వరల్డ్ వైడ్ ప్రభాస్ కు ఫ్యాన్స్ ఉన్నారు. ప్రభాస్ చేతిలో ప్రస్తుతం మూడు పెద్ద ప్రాజెక్ట్స్ ఉన్నాయి. బాలీవుడ్ దర్శకుడు ఓం రౌత్ దర్శకత్వంలో ఆదిపురుష్ అనే చిత్రంలో నటించనున్నాడు. ఇది ప్రభాస్ కు హింది స్ట్రెయిట్ చిత్రం అవ్వుతుంది. ఆ తర్వాత నాగ్ అశ్విన్ దర్శకత్వంలో ఓ చిత్రం చెయ్యాలిసి ఉంది. దీపికా పదుకునె హీరోయిన్ గా నటించే అవకాశం ఉంది. ప్రస్తుతం ఆమెతో నాగ్ అశ్విన్ చర్చలు సాగిస్తున్నాడు.
మూడోవ పాన్ ఇండియా మూవీ సలార్ కేజీయఫ్ దర్శకుడు ప్రశాంత్ నీల్ ఈ చిత్రానికి దర్శకత్వం వహిస్తాడు. ఇప్పటికే ప్రభాస్ లుక్ తో పాటుగా పూజ కార్యక్రమాలను కూడా పూర్తి చేసుకుంది. త్వరలో సెట్స్ పైకి వెళ్లనున్నది. ఈ నేపథ్యంలోనే ఓం రౌత్ ఆదిపురుష్ చిత్ర యొక్క వి‌ఎఫ్‌ఎక్స్ పనులు మొదలు పెట్టాడు. ఈ విషయాన్ని చిత్ర దర్శకుడు సామాజిక మాధ్యమం ద్వారా తెలియజేశాడు. రామ రావణ సామ్రాజ్యాని (ఆదిపురుష్ ప్రపంచం) సృష్టించే పనిలో ఓం రౌత్ అండ్ టీమ్ నిమగ్నమై ఉన్నారు.
ఈ చిత్రానికి పనిచేస్తున్న వి‌ఎఫ్‌ఎక్స్ టీమ్ తో దర్శకుడు ఓం రౌత్ దిగిన ఫోటోను పోస్ట్ చేశాడు. ఈ చిత్రంలో ప్రభాస్ రాముడిగా కనిపించనున్నాడు. రావణబ్రమ్మగా బాలీవుడ్ నటుడు సైఫ్ అలీఖాన్ నటించబోతున్నాడు. సీత పాత్ర కోసం పలు బాలీవుడ్ హీరోయిన్స్ పేర్లు వినిపిస్తున్న ఇంకా ఎవరిని ఫైనల్ చేయలేదు. కృతి సనన్ అని వార్తలు వస్తున్నాయి. త్వరలో అధికారికంగా ప్రకటించే అవకాశం ఉంది. ప్రస్తుతం ప్రభాస్ రాధాకృష్ణ దర్శకత్వంలో రాధే శ్యామ్ అనే చిత్రంలో నటిస్తున్నాడు. పూజ హెగ్డే హీరోయిన్ గా నటిస్తుంది. ఈ చిత్రం షూటింగ్ చివరి దశకు చేరుకుంది. ఈ చిత్రం సమ్మర్ లో విడుదల చేసే అవకాశం ఉంది.