భీష్మ ఛీటర్మ్ తో సూపర్ హిట్ అందుకున్న నితిన్.. ప్రస్తుతం వెంకీ అట్లూరి దర్శకత్వంలో రంగ్ దే చేస్తున్నాడు. వెంకీ గతంలో వరుణ్ తేజ్ హీరోగా వచ్చిన తొలిప్రేమ, అఖిల్ అక్కినేని మజ్నులకు దర్శకత్వం వహించాడు. ఇది ఆయనకు మూడో సినిమా. రంగ్ దేలో నితిన్ సరసన మొదటిసారి కీర్తి సురేష్ నటిస్తుంది. ఈ సినిమా ఇటీవలే షూటింగ్ పూర్తిచేసుకుంది. ఈ సినిమాను సితార ఎంటర్టైన్మెంట్స్ పతాకంలో సూర్యదేవర నాగవంశీ ఈ చిత్రాన్ని నిర్మిస్తుండగా, దేవిశ్రీ సంగీతం అందిస్తున్నాడు. ఈ సినిమా సెట్స్ ఫై ఉండగానే నితిన్ చంద్రశేఖర్ యేలేటి డైరెక్షన్ చెక్ సినిమాకు శ్రీకారం చుట్టారు. వి.ఆనంద్‌ప్రసాద్‌ నిర్మిస్తున్న ఈ మూవీ లో రకుల్‌ప్రీత్‌ సింగ్‌, ప్రియా ప్రకాశ్‌ వారియర్‌ హీరోయిన్స్‌గా నటిస్తున్నారు.
ఈ సినిమాలో నితిన్ ఉరిశిక్ష పడిన ఓ ఖైదీగా కనిపిస్తాడట. చదరంగం నేపథ్యంలో ఈ సినిమా సాగనుంది. ప్రస్తుతం ఈ చిత్రాన్ని సమ్మర్ రేస్ లో దించేందుకు చిత్ర యూనిట్ చూస్తున్నారు. చెక్ సినిమా కాస్త ఎక్కువ బడ్జెట్ తోనే తెరకెక్కింది. ఈ సినిమాకోసం ప్రత్యేకంగా ఓ జైలుసెట్ నిర్మించారు. సినిమా అధిక భాగం ఈ జైలు సెట్ లోనే షూట్ చేస్తున్నారు. మరి ఈ సినిమా నితిన్ కు ఎలాంటి సక్సెస్ ఇస్తుందో చూడాలి.