న్యాచురల్ స్టార్ నాని కరోనా కు ముందు ఏడాదికి మూడు నాలుగు సినిమాలు విడుదల చేస్తూ మినిమమ్ గ్యారెంటీ హిట్ గా పేరు సంపాదించుకున్నాడు. కరోనా దెబ్బకు కాస్త వెనకడుగు వేశాడు. అయిన సినిమాల విషయంలో తగ్గేదే లే అంటూ… ప్రస్తుతం మరో మూడు సినిమాలను సెట్స్ పైకి తీసుకెళ్ళాడు అందులో టక్ జగదీష్ చిత్రాన్ని పూర్తి చేశాడు.
ఈ చిత్రానికి శివ నిర్వహణ దర్శకత్వం వహించాడు. రీతూ వర్మ, ఐశ్వర్య రాజేశ్ లు హీరోయిన్స్ గా నటించారు. ఈ నేపథ్యంలోనే రాహుల్ సాంకృత్యాన్ దర్శకత్వంలో శ్యామ్ సింగరాయ్ అనే చిత్రంలో నటిస్తున్నాడు. ఈ చిత్రం రియల్ ఇన్సిడెంట్స్ ఆధారంగా రూపొందుతుంది. ఈ చిత్రంలో ముగ్గురు హీరోయిన్స్ నటిస్తున్నారు. సాయి పల్లవి, కృతి శెట్టి, మడోనా సెబాస్టియన్.
మూడోవ చిత్రంగా అంటే సుందరానికి అనే ఫ్యామిలీ ఎంటర్ టైనర్ చిత్రాన్ని నేడు సెట్స్ పైకి తీసుకెళ్ళాడు. ఈ రోజు నుండి కరోనా నిబందనలు పాటిస్తూ రెగ్యూలర్ షూట్ జరుపుకొనున్నది. ఈ చిత్రంలో మలయాళ హీరోయిన్ రాజ రాణి మూవీ ఫేమ్ నజ్రియ ఫహీద్ నటిస్తుంది. ఈ సందర్భంగా ఆమె తన ఇంస్టా లో తెలుగులో నేను నటిస్తున్న మొదటి చిత్రం ఇది చాలా ఎక్సైట్ మెంట్ గా ఉంది అంటే మూవీ పోస్టర్ ను షేర్ చేసింది. ఈ చిత్రానికి వివేక్ సాగర్ సంగీతం అందిస్తున్నాడు.
