అక్కినేని నాగేశ్వరావు తెలుగు సినిమాకు దొరికిన ఓ లెజెండరీ యాక్టర్. నందమూరి తారక రామరావు తర్వాత అంతటి పేరు ఉన్న నటుడు. ఆయన వారసుడుగా నాగార్జున సినిమాలోకి ఎంట్రీ ఇచ్చాడు. తండ్రికి తగిన కొడుకు గా స్టార్ హీరో గా రానిస్తున్నాడు. ఆయన వారసులుగా అఖిల్, నాగచైతన్య లు ఇద్దరు సినిమా రంగంలోనే ఉన్నారు. చైతన్య విషయానికి వస్తే విభిన్న కథలను ఎంచుకుంటూ మంచి నటుడుగా రానిస్తున్నాడు. నాగ్ కు మొదటి నుండి కూడా అఖిల్ పై హోప్స్ ఎక్కువగా ఉన్నాయి.
మనం సినిమాతో టాలీవుడ్ కు అక్కినేని అఖిల్ ను పరిచయం చేశాడు. నిజానికి అఖిల్ చైల్డ్ ఆర్టిస్ట్ గానే అందరికి పరిచయం. సిసింద్రీ సినిమాలో తండ్రి నాగ్ తో కలిసి నటించాడు. అఖిల్ సినిమా ఎంట్రీ గ్రాండ్ గా జరిగిన ఇప్పటివరకు ఒక్కసరైన హిట్టు మాత్రం పడలేదు. ఇప్పటివరకు అరడజన్ సినిమాలలోపే ఆయన నటించాడు. కానీ స్టార్ హీరో గుర్తింపు మాత్రం రాలేదు. టాలీవుడ్ లో అందరూ జూనియర్ మహేష్ బాబు అని పిలుచుకునే అఖిల్ మాత్రం వెనకబడే ఉన్నాడు.
అఖిల్ కోసం నాగ్ గట్టి ప్రయత్నాలే చేస్తున్నాడు. అఖిల్ కు ఓ రొమాంటిక్ లవ్ స్టోరీ మూవీని అందించడానికి దర్శకుడు బుచ్చి బాబు సనను రంగంలోకి దింపుతున్నట్లుగా వార్తలు వస్తున్నాయి. ఈ చిత్రాని నాగార్జునే స్వయంగా తన సొంత బ్యానర్ అన్నపూర్ణ స్టూడియోస్ పై నిర్మించాలని భావిస్తున్నాడు. ప్రస్తుతం అఖిల్.. బొమ్మరిల్లు భాస్కర్ దర్శకత్వంలో మోస్ట్ ఎలిజిబుల్ బ్యాచిలర్ అనే చిత్రంలో నటిస్తున్నాడు. నాగ్ వైల్డ్ డాగ్ షూటింగ్ ను పూర్తి చేసుకున్నాడు. తన తదుపరి చిత్రాని ప్రవీణ్ సత్తార్ దర్శకత్వంలో నటించేందుకు సిద్దం అవ్వుతున్నాడు.