యువ హీరో నాగ శౌర్య హీరోగా తన సొంత బ్యానర్ ఐరా క్రియేషన్స్ లో వస్తున్న కొత్త సినిమాకు కృష్ణ వ్రింద విహారి టైటిల్ ఫిక్స్ చేశారు. ఈ సినిమాను అనీష్ కృష్ణ డైరెక్ట్ చేస్తున్నారు అలా ఎలా, లవర్స్, గాలి సంపత్ సినిమాలను డైరెక్ట్ చేసిన అనీష్ కృష్ణ నాగ శౌర్య సినిమాను డైరెక్ట్ చేస్తున్నారు. కృష్ణ వ్రింద విహారి సినిమా టైటిల్ చూస్తుంటేనే ఇదో మంచి ఫ్యామిలీ ఎంటర్టైనర్ గా అనిపిస్తుంది. వరుడు కావలెను, లక్ష్య సినిమాలతో టార్గెట్ రీచ్ అవలేని నాగ శౌర్య తమ సొంత బ్యానర్ లో ఈ సినిమా చేస్తున్నాడు.
సొంత బ్యానర్ ఐరా క్రియేషన్స్ లో చేసిన ఛలో సినిమా నాగ శౌర్యకి మంచి హిట్ ఇచ్చింది. ఆ సినిమాతోనే కన్నడ భామ రష్మిక మందన్న టాలీవుడ్ కి పరిచయమైంది. ఈ సినిమాలో సీనియర్ యాక్టర్ రాధిక నటిస్తున్నారు. మహతి స్వర సాగర్ మ్యూజిక్ అందిస్తున్న ఈ సినిమాలో హీరోయిన్ గా కొత్త వారిని ట్రై చేస్తున్నట్టు తెలుస్తుంది. మరి నాగ శౌర్య కు ఈ కృష్ణ వ్రింద విహారి సినిమా అయినా అనుకున్న టార్గెట్ రీచ్ అయ్యేలా చేస్తుందేమో చూడాలి.