నాగార్జున వారసుడిగా సినిమాలోకి అడుగు పెట్టిన నాగచైతన్య సినిమా సినిమాకి వేరియెషన్స్ చూపిస్తూ తనకంటూ ఓ గుర్తింపును తెచ్చుకునే పనిలో ఉన్నాడు. ఇప్పటికీ ఓ డజన్ సినిమాలకు పైగానే నటించాడు. కానీ కెరీర్ లో మాత్రం ఒక్క బ్లాక్ బస్టర్ హిట్ మాత్రం పడలేదు. పర్లేదు, యావరేజ్, ఒక్కసారి చూడవచ్చు అనే చిత్రాలు మాత్రమే చై నుండి వచ్చాయి. కానీ ఈ సారి మాత్రం గట్టిగానే బాక్స్ ఆఫీస్ ను బద్దలు కొట్టాలని చూస్తున్నాడు.
చైతన్య ఇప్పటికే షెకార్ కమ్ముల దర్శకత్వంలో లవ్ స్టోరీ అనే చిత్రాన్ని పూర్తి చేశాడు. ఈ చిత్రంలో సాయి పల్లవి హీరోయిన్ గా నటించింది. ఈ చిత్రంలోని పాటలు శ్రోతలను అలరిస్తున్నాయి. పవన్ సి‌హెచ్ సంగీతం అందించాడు. ఫ్యామిలీ అండ్ లవ్ స్టోరీ మూవీ తో రాబోతున్నాడు. ఈ చిత్రం ఏప్రిల్ 16న విడుదల అవ్వుతుంది. అయితే ఈ చిత్రం తెలుగుతో పాటుగా ఏకకాలంలో మలయాళ, కన్నడ బాషల్లో విడుదల చేయబోతున్నారు అని తాజా సమాచారం. అల్లు అర్జున్ బాటలో చైతు కూడా అడుగులు వేస్తున్నాడు. ప్రస్తుతం లవ్ స్టోరీ సినిమాకు సంబందించిన డబ్బింగ్ పనులు జరుగుతున్నాయని తెలుస్తుంది. నాగ చైతన్య సినిమాలు ఇతర బాషలో విడుదల అవ్వడం ఇదే మొదటిసారి. మరి చైతు అదృష్టం ఎలా ఉంటుందో చూడాలి.
ఈ చిత్రంలో మలయాళం నటి సాయి పల్లవి నటిస్తుండటంతో అక్కడ కూడా విడుదల చెయ్యాలని దర్శకుడు ప్లాన్ చేస్తున్నాడు. ఈ చిత్రంలో రావు రమేశ్, పోసాని కృష్ణ మురళి, రాజీవ్ కనకాల దేవయాని తదితరులు నటించారు. ఈ చిత్రం పై చైతన్య కూడా చాలా హోప్స్ పెట్టుకున్నాడు. ఈసారి ఎలాగైనా బాక్స్ ఆఫీస్ హిట్ కొట్టాలని చూస్తున్నాడు. ఇప్పటికే ఈ చిత్రం నుండి విడుదలైన టిజర్ సినిమాపై అంచనాలను పెంచింది.