వరుస విజయాలతో దూసుకెళ్తున్న వెంకీ..ప్రస్తుతం శ్రీకాంత్ అడ్డాల డైరెక్షన్లో నారప్ప మూవీ చేస్తున్నాడు. ఈ మూవీ షూటింగ్ చివరి దశకు చేరుకుంది. ప్రస్తుతం హైదరాబాద్ లో క్లైమాక్స్ సన్నివేశాలు షూట్ చేస్తున్నారు. పూర్తి యాక్షన్ సీక్వెన్స్ తో సాగే ఈ క్లైమాక్స్ లో వెంకీ రిస్కీ స్టంట్స్ కూడా చేస్తున్నాడట. ఇప్పటికే 90 శాతం షూటింగ్ ముగియగా.. మిగిలిన బ్యాలెన్స్ పార్ట్ ను పూర్తి చేయడానికి హైదరాబాద్లో శరవేగంగా షూటింగ్ జరుపుతున్నారు. కాగా ఈ షెడ్యూల్ లో చేస్తోన్న క్లైమాక్స్ సీన్స్ సినిమాలోనే కీలకమైనవి అని చెపుతున్నారు.
సురేష్‌ ప్రొడక్షన్స్‌ ప్రై.లి, వి క్రియేషన్స్‌ పతాకాలపై డి.సురేష్‌బాబు, కలైపులి ఎస్‌. థాను సంయుక్తంగా ఈ చిత్రాన్ని నిర్మిస్తున్నారు. విక్టరీ వెంకటేష్ హీరోగా నటిస్తున్న ఈ చిత్రానికి సినిమాటోగ్రఫీ: సామ్‌.కె నాయుడు, సంగీతం: మణిశర్మ, ఎడిటర్ గా మార్తాండ్ కె. వెంకటేష్ పని చేస్తున్నారు. ఇందులో వెంకటేష్ సతీమణిగా ప్రముఖ నటి ప్రియమణి నటిస్తుండగా రెండవ హీరోయిన్ పాత్రలో మలయాళ నటి రెబ్బ మోనిక జాన్ కనిపించనుందట.