‘సుడిగాడు’ చిత్రంతో ఇండస్ట్రీ కి హీరోయిన్ గా పరిచమైన మోనాల్ గజ్జర్..తెలుగు, తమిళం, మరాఠి, గుజరాతీ భాషల్లో కలిపి సుమారు 20 చిత్రాల్లో నటించింది. అయితే 20 చిత్రాల్లో నటించినప్పటికీ పెద్దగా పాపులర్ కానీ ఈమె బిగ్ బాస్ షో తో విపరీతమైన క్రేజ్ సొంతం చేసుకుంది. తెలుగు లో అతి పెద్ద రియాల్టీ షో గా ప్రసారమవుతున్న బిగ్ బాస్ షో..ప్రస్తుతం 4 సీజన్ జరుపుకుంటుంది. మరో వారం రోజుల్లో ఈ షో ముగుస్తుంది. బిగ్ బాస్ సీజన్ 4లో గ్లామరస్ కంటెస్టెంట్‌గా హౌస్‌లోకి ఎంటరైన మోనాల్..ఈ షో ద్వారా పెద్ద ఎత్తున రెమ్యూనరేషన్ తీసుకుందనే వార్తలు చక్కర్లు కొడుతున్నాయి.
ఈ సీజన్‌లో యాంకర్ లాస్య అందరి కంటే అత్యధిక పారితోషికం తీసుకుందని.. ఆ తర్వాత జబర్దస్త్ అవినాష్ ఎక్కువ రెమ్యునరేషన్ తీసుకున్నాడని ప్రచారం అవుతుండగా.. ఇక ఇప్పుడు మోనాల్ రెమ్యునరేషన్‌పై కూడా సోషల్ మీడియాలో హల్చల్ అవుతుంది. మోనాల్ వారానికి రూ. 2 లక్షల నుంచి రూ. 2.5 లక్షల వరకు అందుకున్నారని టాక్. మొత్తం 14 వారాలకు గానూ సుమారు రూ. 30 లక్షలు ఆమెకు బిగ్ బాస్ నిర్వాహకులు పారితోషికంగా ఇచ్చారని అంటున్నారు. మరి నిజంగా అంత అందుకుందా ..లేదా అనేది ఆమెకే తెలియాలి.