శంకర్ దాదా ఎం‌బి‌బి‌ఎస్ చిత్రం తర్వాత చిరంజీవి ప్రజారాజ్యం పార్టీ పెట్టి పూర్తి స్థాయిలో సినిమాలకు దూరం అయ్యాడు. రాజకీయాల్లో ఓ అయిదు ఏండ్లపాటు సేవలు అందించి మరల ఖైదీ నంబర్ 150 చిత్రంతో టాలీవుడ్ లోకి రీ ఎంట్రీ ఇచ్చాడు. అప్పటి నుండి వరస విజయాలతో దూసుకుపోతున్నాడు. ప్రస్తుతం ఆచార్య చిత్రంలో నటిస్తున్నాడు.
కొరటాల శివ దర్శకత్వం వహిస్తున్నాడు. రామ్ చరణ్ కీలక పాత్రలో కనిపించనున్నాడు. చిరంజీవి కు జోడీగా కాజల్ అగర్వాల్ నటిస్తుంది. లాక్ డౌన్ కారణంతో ఆచార్య షూటింగ్ ను పోస్ట్ పోన్ చేశాడు. మరల అనుమతులు లభించిన పిమ్మట షూటింగ్ తిరిగి శరవేగంగా జరుపుకుంటుంది. ప్రస్తుతం ఆర్‌ఎఫ్‌సి లో కీలక సన్నివేశాలను తెరకెక్కిస్తున్నారు.
ఈ నేపథ్యంలో ఈ చిత్రం యొక్క టీజర్ పై చిత్రబృందం అఫిషియల్ అనౌన్స్ మెంట్ ఇచ్చింది. ఈ నెల 29 వ తేదీన సాయంత్రం 4:05 నిమిషాలకు ధర్మస్థలి తలుపులు తెరుచుకుంటాయని చిత్రా బృందం ఓ వీడియో ను విడుదల చేసింది. ఆచార్య చిత్రం నుండి అప్డేట్ కోసం మెగా ఫ్యాన్స్ విపరీతంగా ఎదురుచూస్తున్నారు. వచ్చే శుక్రవారం నాడు మెగా ఫ్యాన్స్ పండగ చేసుకోబోతున్నారు.
కొణిదెల ప్రొడక్షన్స్, మ్యాట్నీ ఎంటర్టైన్మెంట్ బ్యానర్ పై రామ్ చరణ్, నిరంజన్ రెడ్డి లు నిర్మిస్తున్నారు. ఈ చిత్రానికి మణిశర్మ సంగీతం అందిస్తున్నాడు. సమ్మర్ లో ఆచార్య చిత్రాన్ని విడుదల చెయ్యనున్నారు.