చిరంజీవి తనయుడుగా సినిమాలోకి అడుగు పెట్టి ఒక్కో సినిమాతో తనను తాను ప్రూవ్ చేసుకుంటూ స్టార్ హీరోగా ఎదిగాడు. ఓ వైపు సినిమాలు చేస్తూనే మరో వైపు నిర్మాతగా కొనసాగుతున్నాడు. ప్రస్తుతం చరణ్ ఓ రెండు చిత్రాల్లో నటిస్తున్నాడు. అందులో రాజమౌళి దర్శకత్వంలో ఆర్‌ఆర్‌ఆర్ అనే చిత్రంలో నటిస్తున్నాడు. అలాగే కొరటాల శివ దర్శకత్వంలో మెగాస్టార్ చిరంజీవి హీరోగా నటిస్తున్న ఆ చిత్రంలో కీలక పాత్రలో కనిపించనున్నాడు. ఈ చిత్రానికి నిర్మాతగా కూడా వ్యవహరిస్తునాడు.
ఈ నెల 27వ తేదీన చెర్రీ పుట్టిన రోజు కావున మెగా అభిమానులు చరణ్ బర్త్ డే ను ఘనంగా జరిపించాలని ప్లాన్ చేస్తున్నారు. అలాగే ఆయన ప్రస్తుతం నటిస్తున్న చిత్రాల నుండి ఏదైనా అప్డేట్ ఇవ్వాలని సోషల్ మీడియా వేధిక గా డిమాండ్ చేస్తున్నారు. పాన్ ఇండియా చిత్రం అయిన ఆర్‌ఆర్‌ఆర్ లో చరణ్ అల్లూరి సీత రామరాజు పాత్రలో నటిస్తున్నాడు. కావున ఆ చిత్రానికి సంబందించిన అప్డేట్ ఇవ్వాలని రాజమౌళిని డిమాండ్ చేస్తున్నారు. అలాగే కొరటాల ఆచార్య చిత్రంలో చర్రి సిద్దా అనే పాత్రలో నటిస్తున్నాడు కావున ఆ చిత్రానికి సంబందించిన టీజర్ ను గాని ఏదైనా చరణ్ చిన్న వీడియో ను విడుదల చెయ్యాలని కోరుతున్నారు.
అలాగే చరణ్ రాజమౌళి దర్శకత్వంలో వచ్చిన మగధీర చిత్రాని ఆర్‌టి‌సి క్రాస్ రోడ్ లోని సంధ్య థియేటర్ లో రాత్రి 9 గంటలకు వేయనున్నారు. ఈ చిత్రానికి సంబందించిన టికెట్స్ ను ఆన్లైన్ లో పెట్టారు కావాలనుకునేవారు అక్కడకు వెళ్ళి బుక్ చేసుకోవచ్చు. చరణ్ బర్త్ డే ను మెగా ఫ్యాన్స్ భారీగానే జరిపించాలని ప్లాన్ చేస్తున్నారు.