మెగా బ్రదర్ నాగబాబు ఈ మధ్య సాల్ట్ పెప్పర్ లుక్ విలన్ షెడ్ ఉన్న లుక్ లో మనకు కనిపిస్తున్న సంగతి అందరికి తెలిసిందే. ఈ విషయంపై సోషల్ మీడియాలో రకరకాల వార్తలు వచ్చాయి. వి‌వి వినాయక్ దర్శకత్వంలో హింది ఛత్రపతి రీమేక్ లో విలన్ పాత్రలో నటించబోతున్నాడు అంటూ గట్టిగానే ప్రచారం జరిగింది. కానీ నాగబాబు నుండి మాత్రం ఎలాంటి రెస్పాన్స్ లేదు. కానీ తాజాగా నాగబాబు లుక్ కు సంబందించిన సీక్రెట్ రివిల్ అయ్యింది.
కొత్త దర్శకుడు శ్యామ్యూల్ సుజిత్ పాల్ దర్శకత్వంలో ఆర్మీ బేస్డ్ సినిమా ఆక్టోపస్ అనే చిత్రంలో నాగబాబు నటిస్తున్నాడు. ఆ చిత్రానికి సంబందించిన ఫస్ట్ లుక్ ను విడుదల చేశారు. ఈ లుక్ లో నాగబాబు ఏ‌కే 47 లాంటి గన్ ను చేతిలో పట్టుకొని సీరియస్ లుక్ లో కనిపిస్తున్నాడు. ఈ చిత్రానికి సంబందించిన పూర్తి వివరాలు త్వరలో తెలియనున్నాయి. మొత్తానికి నాగబాబు గడ్డం వెనుక ఉన్న కథ తెలిసి పోయింది.
ప్రస్తుతం నాగబాబు బుల్లితెరపై బొమ్మ అదిరింది షో కు జడ్జ్ గా కొనసాగుతున్నాడు. ఈ మధ్యనే యూట్యూబ్ చానల్ ను స్టార్ట్ చేశాడు. ఆ చానల్ ద్వారా అభిమానులతో చిట్ చాట్ చేస్తూ ఉంటాడు అలాగే స్టాండ్ అప్ కామిడీ కూడా ఆ చానల్ ద్వారా రన్ చేస్తున్నాడు. బుల్లితెరపైనే కాకుండా సినిమాల్లో తనకు తగ్గ పాత్రల్లో నటిస్తున్నాడు.