తెలుగు సినీ ప్రేక్షకులకు మంచు ఫ్యామిలీ గురించి ప్రత్యేకంగా చెప్పిల్సిన అవసరం లేదు. హీరో, విలన్ పాత్రల్లో నటించి మెప్పించిన విలక్షణ నటుడు మంచు మోహన్ బాబు. అయితే వారి కుమారులైన మంచు విష్ణు, మంచు మనోజ్ లు ఇద్దరూ కూడా హీరోలుగా చేస్తున్నారు. కూతురు లక్ష్మీ గురించి కూడా ప్రత్యేకంగా చెప్పాల్సిన పని లేదు.
ఎందుకంటే ఓ వైపు హీరోయిన్ గా, మరో వైపు విలన్ పాత్రల్లో నటించి తనకంటూ ప్రత్యేక గుర్తింపును తెచ్చుకుంది. అయితే ఎప్పడూ సోషల్ మీడియాలో యాక్టివ్ గా ఉండే మంచు లక్ష్మి ఇటీవలే ఓ ట్వీట్ చేసింది. అదేంటో ఇప్పుడు మనం తెలుసుకుందాం.
అయితే మంచు లక్ష్మికి ఎప్పటి నుంచో తన తండ్రితో కలిసి సినిమాలో నటించాలనే కోరిక ఉందట. కానీ ఈ అవకాశం ఇప్పటి వరకు తనకు రాలేదని.. అయితే ఇప్పుడిప్పుడే తన తండ్రి మోహన్ బాబు సినిమాల్లో మళ్లీ బిజీ అవుతున్నారని తెలిపింది. ఇటీవలే సన్ ఆఫ్ ఇండియా అనే సినిమాలో నటించారు. ఇదిలా ఉండగా… తాజాగా మంచు లక్ష్మి తన కోరిక నెరవేరబోతుందని ఓ ట్వీట్ చేసింది. ఇన్నాళ్లుగా మా నాన్నతో కలిసి ఎప్పుడెప్పుడు సినిమాలో నటిస్తానా అని వేచి చూస్తున్నా. నా కల నెరవేరబోతోంది. అంటూ ఎమోషనల్ అయింది.
అయితే మంచు లక్ష్మి చేసిన ఈ ట్వీట్ ప్రస్తుతం తెగ వైరల్ అవుతోంది. అంతే కాదండోయ్ ళ్రీ లక్ష్మీ ప్రసన్న పిక్చర్స్, మంచు ఎంటర్ టైన్మెంట్ సంయుక్తంగా నిర్మిస్తున్ ఈ చిత్రంలో మోహన్ బాబు, మంచు లక్ష్మి కీలక పాత్రలు పోషించనున్నారు. ఈ సస్పెన్స్ క్రైమ్ ధ్రిల్లర్ సినిమాకు ప్రతీక్ జోష్ దర్శకత్వం వహించబోతున్నారట. అయితే ఈ సినిమా స్టోరీ, డైలాగ్స్ డైమండ్ రత్నబాబు సమకూర్చుతున్నారు. మరి మంచు మోహన్ బాబు, ఆయన కూతురు లక్ష్మి కాంబినేషన్ లో వస్తున్న ఈ సినిమా ప్రేక్షకులకు దగ్గరవుతుందో లేదో చూడాలంటే ఇంకా చాలా రోజులు ఆగాల్సిందే.