క్ష‌ణం, గూఢచారి, ఎవ‌రు వంటి విభిన్న కథలతో త‌న‌కంటూ ప్ర‌త్యేక గుర్తింపు తెచ్చుకున్న యంగ్ అండ్ టాలెంటెడ్ హీరో అడవి శేష్ నటిస్తున్న తాజా చిత్రం ‘మేజర్’. 26/11 ముంబై టెర్రర్ అటాక్స్ లో ప్రజలను కాపాడి వీరమరణం పొందిన మేజర్ సందీప్ ఉన్ని కృష్ణన్ జీవిత కథ ఆధారంగా ‘గూఢచారి’ ఫేమ్‌ శ‌శి కిర‌ణ్‌ తిక్కా దర్శకత్వంలో ఈ చిత్రం తెరకెక్కుతోంది.
అడవి శేష్ టైటిల్ రోల్ ప్లే చేస్తుండగా తెలుగమ్మాయి శోభితా దూళిపాళ్ల, బాలీవుడ్ బ్యూటీ సైఈ మంజ్రేకర్ కీలక పాత్రల్లో నటిస్తున్నారు. ఈ చిత్రాన్ని జీఎంబీ ఎంటర్‌టైన్‌మెంట్‌, ఏ ప్లస్ ఎస్ మూవీస్, సోనీ పిక్చర్స్ ప‌తాకాల‌పై నిర్మిస్తున్నారు. ఇప్పటికే విడుదలైన పోస్ట‌ర్స్ సినిమాపై ఆసక్తిని రేపగా..ఈరోజు అడవి శేషు పుట్టిన సందర్భాంగా చిత్ర ఫస్ట్ లుక్ విడుదల చేసి మరింతగా ఆకట్టుకున్నారు. ఈ ఫస్ట్ లుక్ లో శేషు గన్ పట్టుకొని కనిపించాడు.ప్రస్తుతం షూటింగ్ దశలో ఉన్న ఈ చిత్రం సమ్మర్ కానుకగా ప్రేక్షకుల ముందుకు రానుంది.