సూపర్ స్టార్ మహేష్ బాబు, పరుశురామ్ దర్శకత్వంలో సర్కారు వారి పాట అనే చిత్రంలో నటిస్తున్నాడు. కీర్తి సురేష్ హీరోయిన్ గా నటిస్తుంది. ఈ చిత్రానికి థమన్ సంగీతం అందిస్తున్నాడు. ఈ చిత్రం యొక్క మొదటి షెడ్యూల్ ను దుబాయ్ లో జరుపుకుంది. అక్కడే ఓ నెల రోజుల పాటు అందమైన లొకేషన్లలో చిత్రీకరించారు. ఈ చిత్రం యొక్క కథాంశం వచ్చేసి బ్యాంకింగ్ నేపథ్యంలో జరిగే అక్రమాలను ప్రదానంగా చూపించనున్నారు.
ఈ మధ్యనే షూటింగ్ ను పూర్తి చేసుకుని హైదరాబాద్ కు చేరుకుంది. సెకండ్ షెడ్యూల్ వచ్చేసి గోవాలో ప్లాన్ చేస్తున్నారు. ప్రస్తుతం విశ్రాంతి తీసుకుంటున్న మహేష్ ఈ క్రమంలో మరో సినిమాను సెట్స్ పైకి తీసుకువెళ్ళాలని చూస్తున్నాడు. ఈ దిశగా ప్రయత్నాలు కూడా మొదలు పెట్టాడు. సూర్య తో ఆకాశమే నీ హద్దురా అనే చిత్రాని రూపొందించిన సుధా కొంగర మహేష్ కోసం ఓ కథను సిద్దం చేసినట్లుగా వార్తలు వచ్చాయి.
అలాగే కొంతమంది టాలీవుడ్ దర్శకులు ఇప్పుడు మహేష్ ఇంటి చుట్టూ చక్కర్లు కొడుతున్నట్లుగా సమాచారం. మరో వారం రోజుల్లో మహేష్ తదుపరి సినిమా విషయమై క్లారిటీ వచ్చే అవకాశం ఉంది. రాజమౌళి తో సినిమా మొదలు పెట్టే లోపే ఈ సినిమాను పూర్తి చెయ్యాలనే ఆలోచనలో ఉన్నాడు. సర్కారు వారి పాట చిత్రాని 14 రీల్స్, జి‌ఎం‌బి , మైత్రి మూవీ మేకర్స్ సంస్థలు భారీ బడ్జెట్ తో నిర్మిస్తున్నాయి. ఈ చిత్రాని వచ్చే ఏడాది సంక్రాంతికి విడుదల అవ్వుతుంది. అలాగే ఈ చిత్రంలో విలన్ పాత్రపై ఇంకా ఎలాంటి సమాచారం లేదు. కోలివుడ్, బాలీవుడ్ నుండి విలన్స్ ను రంగంలోకి దింపే అవకాశం ఉందని సమాచారం.