సూపర్ స్టార్ మహేష్ బాబు ఎక్కువగా భార్య నమ్రత మరియు పిల్లలతో మాత్రమే కనిపిస్తూ ఉంటాడు. కానీ నేడు ఆయన సోదరి ప్రియదర్శిని పుట్టిన రోజు సందర్భంగా తండ్రి కృష్ణ మరియు ఇతర సోదరిలతో మరియు బావలతో కలిసి లంచ్ చేశాడు. ప్రస్తుతం ఆ ఫోటోలు సోషల్ మీడియా ను షేక్ చేస్తున్నాయి. చాలా కాలం తర్వాత మహేష్ బాబు మరియు కృష్ణలను ఓకే ఫోటోలు చూసినందుకుగాను సూపర్ స్టార్ అభిమానులు చాలా ఆనందాన్ని వ్యక్తం చేస్తున్నారు.
ఈ ఫోటోల్లో మొదటి సారి మహేష్ బాబు తన అక్కా చెల్లెళ్లతో కనిపించడంతో అభిమానులు ప్రత్యేకంగా వాటిని షేర్‌ చేస్తున్నట్లుగా తెలుస్తోంది. సోషల్ మీడియాలో వైరల్ అవుతున్న ఈ ఫోటోలను మీరు ఒక లుక్కేయండి. ఈ ఫొటోల్లో కృష్ణ పెద్ద కొడుకు అయిన రమేష్‌ బాబు కనిపించక పోవడంను కొందరు అభిమానులు ప్రశ్నిస్తున్నారు. ఆయన కూడా ఉండి ఉంటే ఫొటో ఫుల్‌ ఫిల్‌ అయ్యేది అంటూ అభిప్రాయం వ్యక్తం చేస్తున్నారు. ఆయన ఎందుకు ప్రియదర్శి పుట్టిన రోజు వేడుకలకు రాలేదు అనేది తెలియాల్సి ఉంది. ఆయన తనయుడును మనం ఫొటోల్లో చూడవచ్చు.
