హిట్ , ప్లాప్ లతో సంబంధం లేకుండా వరుస సినిమాలు చేస్తూ వెళ్తున్నాడు మాస్ రాజా రవితేజ. ప్రస్తుతం తనకు బలుపు , పవర్ లాంటి సూపర్ హిట్ చిత్రాలను అందించిన డైరెక్టర్ గోపీచంద్ మలినేని డైరెక్షన్లో క్రాక్ మూవీ చేస్తున్నాడు. శృతి హాసన్ హీరోయిన్ గా నటిస్తున్న ఈ మూవీ ని ఠాగూర్ మధు నిర్మిస్తున్నారు. లాక్ డౌన్ కారణంగా షూటింగ్ కు బ్రేక్ పడగా..తాజాగా షూటింగ్ లకు అనుమతులు రావడం తో మళ్లీ పున:ప్రారంభం అయ్యింది.
మొన్నటి వరకు హైదరాబాద్ లో షూటింగ్ జరుగగా..ఇక లాస్ట్ షెడ్యూల్ గోవా లో జరగబోతుంది. రేపటి నుండి ఈ చిత్ర షూటింగ్ గోవా లో మొదలుకాబోతుంది. ఈ షెడ్యూల్ లో రవితేజ – శృతి ల ఫై ఓ సాంగ్ షూట్ చేయనున్నారు. ఈ సాంగ్ తో సినిమా షూటింగ్ అంత పూర్తి అవుతుందట. ఆ తర్వాత వెంటనే పోస్ట్ ప్రొడక్షన్ మొదలుపెట్టి సినిమాను సంక్రాంతి బరిలో తీసుకొచ్చేందుకు సిద్ధం చేస్తున్నారు.