తెలుగు, తమిళంలో వరస విజయాలతో దూసుకుపోతున్న నటుడు కార్తీ. అన్న సూర్య పెద్ద హీరో అయినప్పటికి తన సొంత ప్రయత్నం తోనే స్టార్ హీరోగా మారాడు . సూర్య అయిన తెలుగులో ఫ్లాప్ లు ఉన్నాయి కానీ కార్తీ మాత్రం అల కాదు ఆయన చేసిన సినిమా ప్రతి ఒక్కటి ఇక్కడే హిట్టే. ఆ మధ్య లోకేష్ కంగరాజ్ దర్శకత్వంలో ఖైదీ చిత్రంతో మంచి హిట్టు కొట్టాడు. ప్రస్తుతం సుల్తాన్ అనే చిత్రంలో నటిస్తున్నాడు.
తెలుగు, తమిళ్ లో ఈ చిత్రం తెరకెక్కుతుంది. ఈ చిత్రానికి బక్కియరాజ్ కన్నం దర్శకత్వం వహిస్తున్నాడు. రష్మిక మందన కథానాయక గా నటిస్తుంది. ఈ చిత్రం యొక్క టీజర్ ను వచ్చే నెల 1 వ తేదీన సాయంత్రం 5 గంటలకు విడుదల చేస్తున్నట్లుగా ప్రకటించింది. ప్రముఖ ఓ‌టి‌టి సంస్థ అయిన డిస్ని ప్లస్ హాట్ స్టార్ నుండి ఈ చిత్రానికి పెద్ద మొత్తం లో ఆఫర్ కూడా వచ్చిందంట కానీ ఆఫర్ ను రిజెక్ట్ చేస్తూ ఏప్రిల్ లో ఈ చిత్రం ప్రపంచ వ్యాప్తంగ విడుదల అవ్వుతున్నట్లుగా తెలిపింది.
ప్రతిసారి డిఫరెంట్ కంటెంట్ తో వస్తు మంచి హిట్స్ కొడుతున్న కార్తీ మరో వైవిద్య భరితమైన కథతో వస్తున్నాడు. ఈ నేపథ్యంలోనే కార్తీ మరో సినిమాలో నటిస్తున్నాడు. మలయాళ దర్శకుడు మణిరత్నం దర్శకత్వంలో పోన్నియన్ సెల్వన్ అనే హిస్టోరికల్ నేపథ్యం కలిగిన కథతో వస్తున్నాడు. కల్కి కృష్ణ మూర్తి రాసిన 2210 పేజీల నవల ఆధారంగా ఈ చిత్రం తెరకెక్కుతుంది. ఈ చిత్రంలో అమితాబ్ బచ్చన్, జయం రవి, విక్రమ్, ఐశ్వర్య రాయ్, త్రిష , శోబితా దులిపాళ్ళ తదితరులు నటిస్తున్నారు. కార్తీ సుల్తాన్ సినిమా విషయానికి వస్తే డ్రీమ్ వారియర్ పిక్చర్స్ పై ఎస్‌ఆర్ ప్రకాష్ బాబు ఎస్‌ఆర్ ప్రభు నిర్మిస్తున్నారు. ఈ చిత్రానికి వివేక్ మెర్విన్ సంగీతం అందిస్తున్నాడు. యోగి బాబు కామిడీ పాత్రలో నటిస్తున్నాడు.