నందమూరి వంశం నుండి హీరోగా ఎంట్రీ ఇచ్చిన వారిలో కళ్యాణ్ రామ్ ఒక్కడు. బాలకృష్ణ మరియు ఎన్‌టి‌ఆర్ తర్వాత కళ్యాణ్ రామ్ పేరును చెప్పుకోవచ్చు. ఎక్కువగా విభిన్నమైన చిత్రాలు చేస్తూ చేతులు కాల్చుకున్నాడు. హీరోగా చెప్పుకోదగిన చిత్రాలు అంటే చందమామ, అతనొక్కడే, పటాస్ మాత్రమే కమర్షల్ గా మంచి సక్సెస్ అయ్యాయి.
కళ్యాణ్ రామ్ ఓ వైపు సినిమాల్లో హీరోగా చేస్తూనే నిర్మాతగా మారి సినిమాలను నిర్మిస్తున్నాడు. తమ్ముడు తారక్ సినిమాలను కళ్యాణ్ రామ్ నిర్మిస్తుంటాడు. సతీష్ వేగేష్ణ దర్శకత్వంలో ఎంత మంచివాడవురా అనే సినిమాలో నటించాడు. ఈ చిత్రం డిజాస్టర్ కావడంతో కొంత గ్యాప్ తీసుకొని మరో కొత్త దర్శకుడు తో రాబోతున్నాడు. ఈ చిత్రంలో కళ్యాణ్ రామ్ రా ఆఫీసర్ గా నటించబోతున్నాడు అని సమాచారం.
ఈ చిత్రానికి రాజేంద్ర దర్శకత్వం వహిస్తున్నాడు. ఇప్పటికే మొదటి షెడ్యూల్ ను పూర్తి చేసుకుంది. ఎమోషనల్ డ్రామాగా ఈ చిత్రం రూపొందుతుంది. పటాస్ చిత్రంతో అవినీతి పోలీసు ఆఫీసర్ గా నటించిన కళ్యాణ్ రామ్ మరోసారి పోలీసు పాత్రలో కనిపించనున్నాడు. పూరీ జగన్నాథ్, బాలకృష్ణ కాంబినేషన్ లో వచ్చిన పైసా వసూల్ లో బాలయ్య బాబు రా ఆఫీసర్ గా నటించి మెప్పించాడు. ఇప్పుడు బాబాయ్ బాటలో అబ్బాయ్ కళ్యాణ్ రామ్ అడుగులు వేస్తున్నాడు.