జర్నీ చిత్రంతో తెలుగు ప్రేక్షకులను అలరించిన నటుడు జై..ఇప్పుడు మ్యూజిక్ డైరెక్టర్ మారాడు. . జైలో కేవలం నటనే కాదు మంచి మ్యూజిక్ స్కిల్స్ కూడా ఉన్నాయి. లండ‌న్ లోని ట్రినిటీ కాలేజ్ ఆఫ్ మ్యూజిక్ లో సంగీతంలో శిక్ష‌ణ తీసుకున్నాడు. ఆ మెళుకువలతోనే ఇపుడు త‌న 30వ సినిమాతో త‌న‌లోని సంగీత ప్రావీణ్యాన్ని ప‌రీక్షించుకోవడానికి రెడీ అయ్యాడు.
జై..ప్రస్తుతం సుశీంద్ర‌న్ ద‌ర్శ‌క‌త్వంలో ఓ సినిమా రూపొందుతోన్న సంగ‌తి తెలిసిందే. ఈ సినిమాలో జై హీరోగా న‌టించ‌డమే కాకుండా సంగీత సార‌థ్యం కూడా వ‌హించ‌బోతున్నాడు. దేవా, శ్రీకాంత్ దేవా, సాబేష్ ముర‌ళి కుటుంబంతో జైకి ద‌గ్గ‌ర సంబంధం ఉంది. ఆ సంబంధం తో పాటు జై టాలెంట్ గుర్తించిన వారు సినిమాకు మ్యూజిక్ చేసే ఛాన్స్ ఇచ్చారు. ప్రస్తుతం షూటింగ్ పూర్తి చేసుకున్న ఈ చిత్రం త్వరలోనే ప్రేక్షకుల ముందుకు రానుంది.