బిగ్ బాస్ ఈ సీజన్ లో కమెడియన్ గా జబర్దస్త్ అవినాష్ చోటు సంపాదించిన విషయం తెలిసిందే. వైల్డ్ కార్డు తో హౌస్ లో ప్రవేశించిన అవినాష్ మొదటి రోజు నుండే నవ్విస్తూ ప్రేక్షకులను ఎంటర్ టైన్ చేస్తున్నాడు. హౌస్ లో నాగార్జునకు కూడా ఫేవరేట్ గా నిలిచాడు అనడంలో ఎలాంటి సందేహం లేదు. నాగార్జున ప్రతి వారం కూడా ప్రత్యేకంగా అవినాష్ తో కామెడీ స్కిట్‌ లేదా ఏదైనా ప్రత్యేకంగా చేయిస్తూ ఉంటాడు.
ఇక ఈ వారం కెప్టెన్సీ టాస్క్ లో భాగంగా బిగ్ బాస్ హోటల్ టాస్క్ ను ఇంటి సభ్యులకు బిగ్ బాస్ ఇవ్వడం జరిగింది. ఈ టాస్క్ లో హోటల్ సిబ్బంది టీం లో ఉండి అవినాష్ వారికి పాయింట్లు రాకుండా చేయాల్సి ఉంటుంది. అది ఆయన సీక్రెట్ టాస్క్. అవినాష్ కు అప్పగించిన సీక్రెట్ టాస్క్ ను సూపర్ హిట్ గా నిర్వహిస్తున్నాడు. ఇప్పటికే అరియానా మరియు హారిక లకు కోపం తెప్పించిన అవినాష్ గెస్ట్‌ ల కోసం వండిన వంట లో ఉప్పు ఎక్కువగా వేశాడు.
ఆ కారణంగా అవినాష్ సీక్రెట్ ఆ టాస్స్‌ లో ఇప్పటికే సగం వరకు సక్సెస్ అయినట్లే చెబుతున్నారు. ఇక నేటి ఎపిసోడ్ లో అవినాష్ మరింతగా తన పర్ఫామెన్స్ ఇచ్చే అవకాశం ఉంది. తద్వారా అవినాష్ ఉన్న టీం ఓడిపోవడం ఆయన గెలవడం జరుగుతుంది. దాంతో కెప్టెన్సీ టాస్క్ లో అవినాష్ కు చోటు దక్కే అవకాశం ఉంది. సరైన వ్యక్తి కి సీక్రెట్ టాస్క్ అప్పగించారు అంటూ ప్రేక్షకుల అభిప్రాయం వ్యక్తం చేస్తున్నారు.