కెజిఎఫ్ చిత్రంతో భారీ గుర్తింపు లాభాలు అందుకున్న హోంబళే ఫిలిమ్స్..ప్రస్తుతం కెజిఎఫ్ 2 చిత్రం తో పాటు కన్నడ పవర్ స్టార్ పునీత్ రాజ్ కుమార్ తో ‘యవరత్న’ అనే సినిమా ను నిర్మిస్తుంది. ఈ సినిమా తెలుగు, కన్నడ భాషలలో ఒకేసారి విడుదల కాబోతుండడం విశేషం. అంతే కాదు ఈ సంస్థ యంగ్ రెబెల్ స్టార్ ప్రభాస్ తో సలార్ అనే సినిమాను సైతం నిర్మించబోతున్నట్లు ప్రకటించి ఇంకాస్త క్రేజ్ తెచ్చుకుంది. కెజిఎఫ్ డైరెక్టర్ ప్రశాంత్ నీల్ తో ఈ మూవీ చేయబోతుంది.
ఇదిలా ఉంటె ఈ ప్రొడక్షన్ హౌస్ నుంచి డిసెంబర్ 17న ఉదయం 11:59 నిమిషాలకి తమ 8వ చిత్రాన్ని ప్రకటించబోతున్నారు. ఈ విషయాన్ని తమ సోషల్ మీడియా ద్వారా పంచుకున్నారు. ఇప్పటికే కెజిఎఫ్-2 సినిమా లాంటి భారీ బడ్జెట్ సినిమా నిర్మిస్తున్న హోంబళే ఫిలిమ్స్ ఈ సినిమా షూటింగ్ త్వరగా పూర్తి చేయాలని అనుకుంటుంది. ఇది పూర్తికాగానే సలార్ మూవీ ని సెట్స్ పైకి తీసుకురానుంది. ఇలా వరుస పెద్ద చిత్రాలు లైన్లో ఉండగానే మరో మూవీ ప్రకటన చేయబోతుంది. మరి ఈ చిత్రంలో హీరో ఎవరు అనేది చూడాలి.