‘వెళ్లిపోమాకే’ అనే సినిమాతో తెలుగు సినిమాకు పరిచయమైన విశ్వక్ సేన్….. తరుణ్ భాస్కర్ తెరకెక్కించిన ‘ఈ నగరానికి ఏమైంది’తో మంచి గుర్తింపు తెచ్చుకున్నాడు. ఆ తర్వాత ‘ఫలక్‌నుమా దాస్‌’ మరింత గుర్తింపు తెచ్చుకొని..ఏకంగా నాని దృష్టి లో పడ్డాడు. నాని నిర్మించిన ‘హిట్’ చిత్రం తో అసలైన హిట్ అందుకున్నాడు. శైలేష్ కొలను దర్శకత్వంలో ఈ చిత్రం తెరకెక్కగా..మొదటి రోజు మొదటి షో తోనే పాజిటివ్ బజ్ తెచ్చుకుని, మంచి వసూళ్లను రాబట్టింది. థ్రిల్లర్ జానర్‌లో తెరకెక్కిన ఈ సినిమాలో రుహానీ శర్మ హీరోయిన్‌గా నటించింది. ఈ సినిమా ఇచ్చిన విజయంతో హిట్ మూవీకి సీక్వెల్ తీయాలి అనుకున్నారు.
అయితే… కరోనా కారణంగా ఆలస్యం అయ్యింది కానీ.. లేకపోతే ఈపాటికే సెట్స్ పై ఉండేది. ఇదిలా ఉంటే… ఈ సీక్వెల్ లో విశ్వక్ సేన్ కాకుండా అడవి శేష్ నటిస్తున్నాడట. ఈ సీక్వెల్ కి డైరెక్టర్ శైలేషే… నిర్మాత నాని. మరి సీక్వెల్ కి హీరో ఎందుకు మారాడు అంటే… నానికి, విశ్వక్ సేన్ కి మధ్య విభేదాలు వచ్చాయని టాక్. నిజంగా విభేదాలు వచ్చాయా..లేక కొత్తగా ఉంటుందని అడవిని ఓకే చేసారా అనేది తెలియాల్సి ఉంది.