అర్జున్ రెడ్డి సినిమాతో తెలుగు ప్రేక్షకుల మదిలో చెరగని ముద్ర వేసుకున్న హీరో విజయ్ దేవరకొండ గురించి ప్రత్యేకంగా చెప్పాల్సిన అవసరం లేదు. అయితే ఆయన నటించిన ఒక్క సినిమా అదీ మొదటి సినిమాతోనే దేశ వ్యాప్తంగా సంచలనం సృష్టించాడు. అప్పటి నుంచి వరుస సినిమాలతో అభిమానులకు మరింత దగ్గరవుతూ వస్తున్నాడు. అయితే ఈ పాన్ ఇండియా స్టార్ తాజాగా లైగర్ సినిమాలో నటిస్తున్న విషయం అందరికీ తెలిసిందే.
విజయ్, బాలీవుడ్ బ్యూటీ అనన్య పాండే హీరోహీరోయిన్లుగా.. డాషింగ్ డైరెక్టర్ పూరీ జగన్నాథ్ దర్శకత్వంలో వస్తున్న ఈ సినిమా ఆగస్టు 25వ తేజీన రిలీజ్ కాబోతున్నట్లు చిత్రబృంజం ప్రకటించింది. అయితే ఈ సినిమా తర్వాత విజయ్ శివ నిర్వాణ, సుకుమార్ లతో తన తదుపరి సినిమాలు చేయబోతున్నాడట.
అయితే ఇందులో శివ నిర్వాణ ప్రాజెక్టు ముందుగా పట్టాలెక్కబోతుందని తెలుస్తోంది. ప్రస్తుతం వీరిద్దరి కాంబినేషన్ లో రాబోతున్న సినిమాకు సంబంధించిన పనులన్నీ చకచకా జరుగుతున్నాయని… ఇది ఓ ప్రేమ కథ చిత్రామని తాజా సమాచారం. అయితే ఈ సినిమాను కూడా పాన్ ఇండియా స్థాయిలో నిర్మించబోతున్నారట. అంతే కాదండోయ్ ఇందులో విజయ్ సరసన నటించేందుకు కియారా అద్వానీని తీసుకున్నట్లు కూడా తెలుస్తోంది. అయితే ఈ సినిమా గురించి మరిన్ని విషయాలు తెలియాల్సి ఉంది.