సూపర్ స్టార్ మహేశ్ బాబు తన అభిమానులకు ఓ స్పెషల్ రిక్వెస్ట్ చేశారు. ఈ సినిమాను మీరంతా కచ్చితంగా చూడాలని కోరారు. ఇందుకు సంబంధించిన వీడియో ఒకటి సోషల్ మీడియా మాధ్యమాల్లో తెగ వైరల్ అవుతోంది. అసలు ఎవరి సినిమా కోసం మహేష్ బాబు ఈ వీడియో పోస్ట్ చేశారు.. స్పెషల్ రిక్వెస్ట్ ఏంటో మనం ఇప్పుడు తెలుసుకుందాం.
సినిమా, రాజకీయ రంగాల్లో ఎక్కువగా ఇండస్ట్రీ వారసుల హవానే నడుస్తుంది. అయితే ముఖ్యంగా సినిమాల్లో ఇది మరింత ఎక్కువగా కనిపిస్తుంది. సూపర్ స్టార్ కృష్ణ కుటుంబం నుంచి ఆయన పెద్ద కొడుకైన దివంగత రమేష్ బాబు హీరోగా ఎంట్రీ ఇచ్చారు. కానీ అనుకున్న స్థాయిలో రాణించలేకపోయారు.
ఆ తర్వాత మహేష్ బాబు సినీ ఇండస్ట్రీలోకి వచ్చి తండ్రిగా తగ్గ తనయుడిగా పేరు తెచ్చుకున్నారు. ఆ తర్వాత ఆ కుటుంబం పేరు చెప్పుకొనే కృష్ణ చిన్నల్లుడు సుధీర్ బాబు పోసాని కూడా ఎంట్రీగా ఇచ్చారు. ఇప్పుడు మహేష్ బాబు మేనల్లుడు, ఎంపీ గల్లా జయదేవ్ కుమారుడు అయిన అశోక్ గల్లా కూడా హీరోగా ‘హీరో’ మూవీతో ఎంట్రీ ఇచ్చారు.
అయితే సంక్రాంతి పండుగ కానుకగా విడుదలైన ఈ సినిమా మంచి టాక్ అందుకుంది. పెద్ద సూపర్ హిట్ ఏం కాకపోయినప్పటికీ.. డీసెంట్ కలెక్షన్స్ రాబట్టింది. అంతేనా 10 మార్కులకు గాను 9.2 రేటింగ్ సాధించి ప్రేక్షకుల మదిలో నిలిచిపోయింది. సూపర్ స్టార్ కృష్ణ కూడా ఈ రేటింగ్ ఎప్పుడూ అందుకోకపోవడం.. ఆయన మనవుడు ఈ రేటింగ్ సొంతం చేసుకోవడాన్ని సూపర్ స్టార్ ఫ్యాన్స్ ఎంజాయ్ చేస్తున్నారు.
అయితే ఈ సినిమా ఇప్పుడు హాట్ స్టార్ లో స్ట్రీమింగ్ కానుంది. ఈ సినిమాను అందరూ చూడాలంటూ మహేష్ బాబు వీడియో పోస్ట్ చేశారు. తొలి సినిమాతోనే ఇంత మంచి పేరు తెచ్చుకున్న అశోక్ గల్లా మంచి స్థాయిలోకి వెళ్లాలని ఆశిద్దాం.