గరుడవేగ, కల్కి వంటి చిత్రాలతో హీరో రాజశేఖర్ మరల సూపర్ ఫాంలోకి వచ్చాడు. ఆ రెండు చిత్రాలు ఆయనకు మంచి బుస్టింగ్ ఇచ్చాయి. నేడు రాజశేఖర్ పుట్టిన రోజు కావున ఆయన పేరులోని “శేఖర్” (మ్యాన్ విత్ సోర్ అనే క్యాప్షన్) కొత్త సినిమా టైటిల్ గా ప్రకటిస్తూ ప్రీ లుక్ ను విడుదల చేశారు. ఈ సందర్భంగా ఆయనకు జన్మదిన శుభాకాంక్షలు తెలియజేశారు.
సగం ముఖంతో కనిపిస్తూ, నెరిసిన గడ్డంతో పవర్ ఫుల్ ఐస్ తో ఆకట్టుకునే విదంగా ఆ లుక్ ఉంది. “శేఖర్ సినిమాలో రాజశేఖర్ విశ్రాంత పోలీసు ఆఫీసర్ పాత్రలో నటించనున్నాడని సమాచారం పూర్తి వివరాలు త్వరలో తెలియనున్నది. ఈ చిత్రాని తమ్మారెడ్డి భరద్వాజ సమర్పణలో లక్ష్య ప్రొడక్షన్స్, పెగాసస్ సినీ కార్పొరేషన్ సంస్థలు నిర్మిస్తున్నాయి. అనూప్ రుబెన్స్ సంగీతం అందించనున్నాడు. ఈ చిత్రానికి లలిత్ దర్శకత్వం వహిస్తున్నాడు.
ఇక హీరోయిన్ విషయంపై ఎలాంటి ప్రకటన లేదు త్వరలోనే ప్రకటించే అవకాశం ఉంది. ఈ సందర్భంగా రాజశేఖర్ కొత్త సినిమాకు సంబందించిన లుక్ తో పాటుగా ఆయన చెప్పిన మాటలను కూడా విడుదల చేశారు.. ప్రియాతి ప్రియమైన నేను ప్రేమించే నా వాళ్ళందరికి నన్ను ప్రేమించే నా అభిమానులకు కరోనా వైరస్ భారీన పడి మరణపు అంచులవరకు ప్రయాణించిన మీ ప్రేమ అభిమానం నిరంతర ప్రార్థన నన్ను మరల సినిమాలోకి తీసుకువచ్చింది. కనిపించని ఆ దేవుడికి కనిపించే ప్రేక్షక దేవుళ్ళకు నా కృతజ్ఞతలు తెలుపుకుంటు ఎల్లప్పుడూ మీకు ఋణపడి ఉంటాను మీ రాజశేఖర్ అంటూ ముగించాడు.