పవన్ కళ్యాణ్ అంటే బండ్ల గణేష్ కు ఎంత ఇష్టమో కొత్తగా చెప్పాల్సిన పని లేదు. ఛాన్స్ దొరికితే చాలు పవన్ కళ్యాణ్ ను దేవుడిగా కొలుస్తూ భారీ ట్వీట్స్ చేస్తుంటాడు. రీసెంట్ గా క్రిస్మస్ రోజు పవన్ కళ్యాణ్ పంపిన గిఫ్ట్ ను ఆయన ఫ్రెమ్ దగ్గర పెట్టి నా దేవుడు పంపిన గిఫ్ట్ అంటూ చెప్పి అభిమానులను ఆకట్టుకున్నాడు. ఇక ఇప్పుడు పవన్ నటిస్తున్న వకీల్ సాబ్ చిత్ర షూటింగ్ లో సందడి చేసాడు.
ప్రస్తుతం పవన్ కళ్యాణ్ వకీల్ సాబ్ చిత్రం తో చిత్ర సీమా కు రీ ఎంట్రీ ఇస్తున్న సంగతి తెలిసిందే. పింక్ చిత్రానికి రీమేక్ గా తెరకెక్కుతున్న ఈ మూవీ షూటింగ్ ఇప్పటికే 80% పూర్తి కాగా..ఆ తర్వాత లాక్ డౌన్ వచ్చి బ్రేక్ ఇచ్చింది. ప్రస్తుతం కేంద్రం షూటింగ్ లకు అనుమతులు ఇవ్వడం తో మళ్లీ షూటింగ్ మొదలుపెట్టి మంగళవారం షూటింగ్ కు గుమ్మడి కాయ కొట్టారు. వకీల్ సాబ్ సినిమా షూటింగ్ ముగింపు సందర్బంగా నిర్మాతలు బండ్ల గణేష్ మరియు ఏఎం రత్నం తో పాటు మరికొంతమంది ప్రముఖులు హాజరు అయ్యారు.
ఈ సందర్బంగా బండ్ల గణేష్ వకీల్ సాబ్ సెట్ లో తీసుకున్న కొన్ని ఫొటోలను షేర్ చేశాడు. ఏఎం రత్నం తో తన ఫొటోను షేర్ చేసి నేను మరియు ఏఎం రత్నం గారు మా బాస్ షూటింగ్ లో.. జై పవర్ స్టార్ అంటూ ట్వీట్ చేశాడు. స్నేహితుడు అన్న అంటూ నర్ర శ్రీనివాస్ తో ఉన్న ఫొటోను షేర్ చేశాడు. ప్రస్తుతం ఈ పిక్స్ సోషల్ మీడియా లో చక్కర్లు కొడుతున్నాయి.