![](https://i0.wp.com/filmytime.com/wp-content/uploads/2021/02/Fan-Make-KGF-2-Flip-Art.jpg?resize=800%2C450&ssl=1)
కన్నడ దర్శకుడు ప్రశాంత్ నీల్ కేజిఎఫ్ సినిమాతో పాన్ ఇండియా డైరెక్టర్ గా మారిపోయాడు. అటు హీరో యష్ కూడా పాన్ ఇండియా హీరోగా గుర్తింపు తెచ్చుకున్నాడు. కన్నడ సినిమా పరిశ్రమ నుండి వచ్చిన మొదటి పాన్ సినిమా ఇది. ఇక నుండి శాండిల్ వుడ్ లో కూడా పాన్ ఇండియా సినిమాలు రావడం మొదలవుతాయి.
కేజిఎఫ్ చాప్టర్ వన్ ఎంత పెద్ద హిట్టు అయిందో మనం ఆల్రెడీ చూశాం. యష్ కు ప్రపంచ వ్యాప్తంగ ఫ్యాన్స్ ఏర్పడ్డారు. ఇప్పుడు అందరి దృష్టి కేజిఎఫ్ చాప్టర్ 2 పై ఉంది. ఇప్పటికే టీజర్ అన్నీ బాషల్లోనూ సంచలనం సృష్టించింది. ఈ చిత్రంలో బాలీవుడ్ నటుడు సంజయ్ దత్ అధీర అనే పాత్రలో నటిస్తున్నాడు.చాప్టర్ వన్ కి ధీటుగా చాప్టర్ 2 ను దర్శకుడు తెరకెక్కించాడు. భారీ యాక్షన్ సస్పెన్స్ తోకూడిన ఎన్నో కీలక సన్నివేశాలను రూపొందించాడు. ప్రస్తుతం సోషల్ మీడియాలో యష్ అభిమాని ఫ్లిప్ ఆర్ట్ తో చేసిన టీజర్ వీడియో వైరల్ అవుతుంది.
కేజిఎఫ్ చాప్టర్ 2 టీజర్ ను 100 ఫ్లిప్ ఆర్ట్ లతో కలిపి ఓ వీడియో రూపంలోకి తీసుకువచ్చాడు. దానిని అంతర్జాలంలో పోస్ట్ చేయగా ఆ వీడియోను సూర్య ఫ్యాన్స్ యష్ కు మరియు చిత్ర నిర్మాతలకు, దర్శకుడుకు ట్యాగ్ చేశారు. ఈ ఫ్లిప్ ఆర్ట్ వీడియో పై యష్ అభిమానులు ప్రశంసలు కురిపిస్తున్నారు. ఈ చిత్రం యొక్క నిర్మాత కార్తీక్ గౌడ అద్భుతంగా ఉంది అంటూ మెచ్చుకున్నాడు. ఈ చిత్రంలో శ్రీ నిధి శెట్టి యష్ కు జోడీగా నటించింది. రవీనా టాండన్, రావు రమేశ్, తదితరులు కీలక పాత్రలో నటించారు. జులై 26 న ఈ చిత్రం విడుదల అవ్వుతుంది. రవి బశృర్ ఈ చిత్రానికి సంగీతం అందించాడు. ఆ ఫ్లిప్ ఆర్ట్ వీడియో ను మీరు కూడా చూసేయ్యండి.