తెలుగు బిగ్‌ బాస్‌ సీజన్‌ 4 లో అందరి కంటే ఎక్కువ క్రేజ్‌ ను కలిగి ఉన్న కంటెస్టెంట్‌ ఎవరు అంటే ఠక్కున వినిపించే పేరు గంగవ్వ. మై విలేజ్‌ షో తో అద్బుతమైన ఫ్యాన్‌ ఫాలోయింగ్‌ ను దక్కించుకున్న గంగవ్వకు బిగ్‌ బాస్‌ వారు పిలిచి మరీ ఆఫర్‌ ఇచ్చారు. బిగ్‌ బాస్‌ చరిత్రలో ఇలాంటి ప్రయోగం ఎప్పుడు చేయలేదు. దాదాపు ఆరు పదుల వయసులో ఉన్న గంగవ్వ షో లో ఎలా ఉంటుందో అంటూ అంతా ఆసక్తిగా ఎదురు చూశారు.
ఆమె ఆరోగ్యం సరిగా లేకపోవడం వల్ల కాస్త ఇబ్బంది పడుతున్నట్లుగా అనిపిస్తుంది. గంగవ్వ ఇప్పటి వరకు బాగానే ఉన్నా ముందు ముందు ఆమె ఉండలేక పోవచ్చ అనిపిస్తుంది. గంగవ్వకు రెండు మూడు వారాల వరకు ఉండే అవకాశం ఉంటుంది. కాని ఆమె అప్పటి వరకు ఉంటుందా లేదా అనేది మాత్రం కష్టంగా ఉంది. గంగవ్వకు మొదటి వారంలో అద్బుతమైన ఓట్లు దక్కాయి.
గంగవ్వకు అత్యధికంగా ఓట్లు పడ్డట్లుగా వార్తలు వచ్చాయి. కాని గంగవ్వకు రెండవ వారంలో పడుతున్న ఓట్ల విషయంలో పలు అనుమానాలు వ్యక్తం అవుతున్నాయి. ఎందుకంటే గంగవ్వకు షో లో ఉండాలని లేదు. ఆ షో కు గంగవ్వ ఏమాత్రం కరెక్ట్‌ కాదు. రెండు వారాల పాటు గంగవ్వ షో లో ఉంది. అది చాలా గొప్ప విషయం పెద్ద విషయంగా ప్రేక్షకులు భావిస్తున్నారు. అందుకే ఇక ఆమెను బయటకు తీసుకు రావడం ఉత్తమంగా భావిస్తున్నారు.
గంగవ్వ కంటే ఇతర కంటెస్టెంట్స్‌ విషయంలో శ్రద్ద చూపించి ఓట్లు వేస్తే బాగుంటుంది అనే అభిప్రాయంలో ప్రేక్షకులు ఉన్నారట. ఇలాంటి సమయంలో గంగవ్వకు కరోనా నిర్థారణ పరీక్షలు జరిపారు అంటూ ప్రముఖ మీడియా సంస్థ కథనంను రాసింది. ఆ కథనం ప్రకారం బిగ్‌ బాస్‌ టీం కొందరికి కరోనా పాజిటివ్‌ అని వచ్చింది. అందుకే ఆమెకు కూడా కరోనా నిర్థారణ పరీక్షలు చేయించాలని భావించారు.
కరోనా టెస్టు నిర్వహించారని తెలుస్తోంది. కాని రిపోర్ట్‌ మాత్రం గోప్యంగా ఉంచారు. ఆమె ఇంకా షో లోనే ఉంది కనుక ఆమెకు ఖచ్చితంగా నెగటివ్‌ వచ్చి ఉంటుందని అంతా అంటున్నారు. గంగవ్వ ఆరోగ్యం విషయంలో బిగ్‌బాస్‌ ప్రత్యేక శ్రద్ద కనబర్చుతున్నారు.