అతి తక్కువ టైంలోనే చిత్ర సీమలో గోల్డెన్ లెగ్ గా గుర్తింపు తెచ్చుకున్న నటి రష్మిక. చలో , గీత గోవిందం , సరిలేరు నీకెవ్వరూ , భీష్మ ఇలా వరుస పెట్టి హిట్లు కొడుతున్న ఈమె..ప్రస్తుతం స్టైలిష్ స్టార్ అల్లు అర్జున్ సరసన పుష్ప మూవీ లో నటిస్తుంది. దీంతో పాటు శర్వానంద్ హీరోగా నటిస్తున్న ఆడాళ్లూ మీకు జోహార్లు లోను రష్మిక నటిస్తుంది.
ఇప్పుడు మరో మెగా మూవీ లో నటిస్తుందని తెలుస్తుంది. మెగాస్టార్ చిరంజీవి – కొరటాల శివ కలయికలో తెరకెక్కుతున్న ఆచార్య మూవీ లో చరణ్ కు జోడిగా నటిస్తున్నట్లు సమాచారం. ముందుగా బాలీవుడ్ హీరోయిన్ కియారా అడ్వాణీని సంప్రదించగా.. ఆమె డేట్స్ అడ్జస్ట్ కాలేదట. దీంతో చాలామందిని పరిశీలించిన మీదట చివరికి కన్నడ భామ రష్మిక మందానాను ఫిక్స్ చేసినట్లు తెలుస్తోంది. చెర్రీ పక్కన ఛాన్స్ రాగానే రష్మిక వెంటనే ఓకే చెప్పేసిందట. వచ్చే ఏడాది మార్చి నెలలో రష్మిక షూటింగులో పాల్గొంటుందట.