తెలుగులో బిగ్ బాస్ సీజన్ 4 సక్సెస్ ఫుల్ గా కొనసాగుతున్న సంగతి తెలిసిందే. అంతకు ముందు వారం బిగ్ బాస్ షోకి హోస్ట్ నాగార్జున చిన్న బ్రేక్ ఇవ్వడంతో ఆ ప్లేస్‌ని కోడలు పిల్ల సమంత భర్తీ చేసింది. ఆ భర్తీ కూడా మాములుగా కాదు మంచి టిఆర్పీ రేటింగ్ వచ్చేలా సందడి చేసి ఆకట్టుకుంది.
ఆమెతో పాటు అఖిల్ అక్కినేని, ఆర్ఎక్స్ 100 ఫేమ్ పాయల్ రాజ్‌పుత్, కార్తికేయ.. కమెడియన్ హైపర్ ఆది స్టేజిని పంచుకోవడం జరిగింది. ఆ ఎపిసోడ్ హిట్ కావడంతో ‘బిగ్ బాస్’ నిర్వాహకులు గతవారం యాంకర్ సుమను తీసుకొచ్చారు. ఇక ఈ వీకెండ్ దీపావళికి కూడా అదే ప్లాన్ చేస్తున్నారని వినికిడి. ఈసారి గెస్ట్‌గా అక్కినేని నాగచైతన్య కనిపించబోతున్నారని టాక్. ఈ వీకెండ్ ఎపిసోడ్‌లో హోస్టుగా నాగార్జున, గెస్ట్‌గా నాగచైతన్య సందడి చేయబోతున్నట్లు వార్తలు వినిపిస్తున్నాయి. మరి ఈ ఎపిసోడ్ ఏ రేంజ్ లో పేలుతుందో చూడాలి.