బాహుబలి చిత్రం తో దేశ వ్యాప్తంగా క్రేజ్ తెచ్చుకున్న యంగ్ రెబెల్ స్టార్ ప్రభాస్..ఆ తర్వాత వరుస పాన్ మూవీస్ లలో నటిస్తూ అలరిస్తున్నాడు. ప్రస్తుతం రాధే శ్యామ్ మూవీలో నటిస్తున్నాడు. ఈ మూవీ సెట్స్ ఫై ఉండగానే మరో రెండు పాన్ మూవీస్ లకు గ్రీన్ సిగ్నల్ ఇచ్చి అభిమానుల్లో సంబరాలు నింపాడు. వాటిలో ప్రభాస్ – నాగ్ అశ్విన్ డైరెక్షన్లో తెరకెక్కబోయే సినిమా ఒకటి.
సైన్స్ ఫిక్షన్ కథాంశంతో తెరకెక్కబోతున్న ఈ మూవీని ప్రముఖ నిర్మాణ సంస్థ వైజయంతీ మూవీస్ భారీ బడ్జెట్‌తో నిర్మించబోతోంది. ఇక ఇందులో హీరోయిన్‌గా దీపికా పదుకొనే నటించనుండగా.. బాలీవుడ్ మెగాస్టార్ అమితాబ్ బచ్చన్ కీలక పాత్రలో కనిపించనున్నారు. కాగా ఇందులో బిగ్‌బీ కేవలం అతిథి పాత్ర అని ఆ మధ్యన టాక్ నడిచింది. కానీ తాజా సమాచారం ప్రకారం.. ఈ ప్రాజెక్ట్‌లో ప్రభాస్, దీపికా, బిగ్‌బీ ముగ్గురికి సమాన పాత్రలు ఉండనున్నాయట. వీరి ముగ్గురి మధ్య వచ్చే యాక్షన్ సన్నివేశాలు సినిమాకు హైలెట్‌గా నిలవబోతున్నట్లు తెలుస్తోంది. అలాగే ఈ ముగ్గురి మధ్య భావోద్వేగ సన్నివేశాలు చాలానే ఉండబోతున్నట్లు టాక్.
ఇదిలా ఉంటే ఈ సినిమాలో హీరోయిన్‌గా నటిస్తున్న దీపికా పదుకొణే రూ.20 కోట్ల పారితోషికం తీసుకొంటుందనీ వార్తలు వినిపిస్తున్నాయి. అలాగే బిగ్ బీ అమితాబ్ బచ్చన్ సైతం గట్టిగానే పారితోషికం తీసుకుంటున్నాడట. సాధారణంగా అమితాబ్ ప్రధాన పాత్రగా చేస్తే ఒక్క సినిమాకు రూ.21 కోట్లు తీసుకుంటారు. మరి అతిథి పాత్రకు ఎంత తీసుకుంటాడు మహా అయితే సగం అంటే రూ.11 కోట్లు తీసుకుంటాడేమో అనుకుంటారు. కానీ అమితాబ్ ఈ సినిమాకు తన పూర్తి పారితోషికాన్ని తీసుకుంటున్నారట. మరి ఈ వార్తలో ఎంత నిజం ఉందొ కానీ ప్రస్తుతం మాత్రం ఈయన రెమ్యూనరేషన్ ఫిలిం సర్కిల్లో హాట్ టాపిక్ అవుతుంది.