మెగాస్టార్ చిరంజీవి సెకండ్స్ ఇన్నింగ్స్ స్టార్ట్ చేసి వరుస సినిమాలతో దూసుకుపోతున్నారు. అయితే తాజాగా ఆయన వేదాళం సినిమా రీమేక్ అయిన భోళా శంకర్ చిత్రంలో నటిస్తున్నారు. ఇవన్నీ సినిమాలను ఒకేసారి పూర్తి చేయనున్నారు మెగాస్టార్ చిరంజీవి. ఇప్పటికే ఆచార్య సినిమా విడుదలకు సిద్ధం అయింది. దాంతో పాటే గాడ్ ఫాదర్, భోళా శంకర్, బాబీ సినిమాలు ఒకేసారి పూర్తి కానున్నాయి.
అయితే మహా శివరాత్రి సందర్భంగా భోళా శంకర్ మోషన్ పోస్టర్ ను విడుదల చేశారు. అందులో చిరంజీవి లుక్ ను చూసిన అభిమానులు చాలా బాగుందంటూ ప్రశంసల వర్షం కురిపిస్తున్నారు. చేతిలో త్రిశూలం ఉన్న కీ చైలన్ అలా స్టైల్ గా తిప్పుతూ చిరంజీవి అదిరిపోతున్నారు. అయితే ఈ సినిమాను మెహర్ రమేష్ చాలా ప్రతిష్టాత్మకంగా తీసుకున్నారట.
వేదాళం సినిమా రీమేక్ కోసం దాదాపు రెండేళ్లకు పైగానే మెహర్ రమేష్ పని చేశారట. ఈ సినిమా బౌండెడ్ స్క్రిప్ట్ కోసం చాలా రోజుల పాటు కష్టపడ్డాడని తెలుస్తోంది. తెలుగులో మెగాస్టార్ ఇమేజ్ కి తగ్గట్టు కొన్ని మార్పులు చేర్పులు కూడా చేశారట. మోషన్ పోస్టర్ చూస్తుంటే ఈ సారి మెహర్ జాతకం మారిపోతుందనే నమ్మకం కనిపిస్తుంది. మెహర్ రమేష్ చివరి సినిమా షాడో 2013లో విడుదల అయి డిజాస్టర్ గా నిలిచింది.