ప్రపంచ దేశాలను గజగలాడిస్తున్న మహమ్మారి కరోనా అంతం కోసం ప్రజలంతా ఎదురుచూస్తున్నారు. ఎప్పుడెప్పుడు కరోనా వాక్సిన్ వస్తుందా అని అనుకుంటున్నా సమయంలో నందమూరి బాలకృష్ణ కరోనా వాక్సిన్ గురించి సంచలన వ్యాఖ్యలు చేసారు.
బాలకృష్ణ సోమవారం ‘సెహరి’ సినిమా ఫస్ట్‌లుక్‌ రిలీజ్‌ కార్యక్రమానికి ముఖ్య అతిథిగా విచ్చేశారు. ఫస్ట్‌లుక్‌ను విడుదల చేసిన బాలకృష్ణ కరోనా వైరస్ కారణంగా సినీ ఇండస్ట్రీ పడుతున్న ఇబ్బందులు, మనుషులు ఎదుర్కొంటున్న ఆరోగ్య సమస్యల గురించి వివరిస్తూ కొన్ని సూచనలు చేశారు.
కరోనాతో సహ జీవనం చేయాల్సిందేనని అన్నారు. ‘మనం జాగ్రత్తగా ఉండాలి. వ్యాక్సిన్ వస్తుంది అని అంటున్నారు అది నిజం కాదు. అసలు వాక్సిన్ వచ్చే అవకాశాలు లేవు. కరోనా మన జీవితాంతం ఉంటుంది. దాంతో మనం సహ జీవనం చేయాల్సిందే. ఇవాళ నుండి కార్తీక సోమవారం. అయిన సరే తల స్నానాలు చేయవద్దు’ అని ఆయన సూచించారు.