‘చిన్నారి పెళ్లికూతురు’ సీరియల్ ద్వారా ప్రేక్షకులకు దగ్గరైన నటి అవికా గోర్..ఉయ్యాలా జంపాల చిత్రంతో తెలుగు ప్రేక్షకుల ముందుకు వచ్చి ఆకట్టుకుంది. ఆ తర్వాత లక్ష్మీ రావే మా ఇంటికి, సినిమా చూపిస్తా మావ , తను నేను, ఎక్కడికి పోతావు చిన్నవాడా చిత్రాలతో అలరించింది. ఇదే సమయంలో కొత్త హీరోయిన్ల హావ , పెరగడం అవికా ఫిజిక్ లోను తేడాలు రావడం తో అమ్మడికి ఛాన్సులు లేకుండా పోయాయి. దీంతో ఈ సుంద‌రి మ‌ళ్లీ సైజ్ జీరో లా నాజూకుగా మార‌డానికి చాలానే కష్టపడింది.
ఈ మధ్య సోషల్ మీడియా లో యాక్టివ్ గా ఉంటూ..ఫాలోయర్స్ ను అలరిస్తూ వస్తుంది.తాజాగా ఈ బ్యూటీ ఎయిర్ పోర్టుకు నుంచి వ‌స్తుండ‌గా కెమెరాల‌కు ఫోజులిచ్చింది. పంజాబీ డ్రెస్ లో అవికా క్యూట్ గా ఉన్న పెట్‌ను ఎత్తుకొని ఫొటోలు దిగింది. ఈ పిక్స్ లలో అవికా చాల సన్నగా కనిపించేసరికి అభిమానులు షాక్ అవుతూ ఇది నువ్వేనా అంటూ కామెంట్స్ పెడుతున్నారు. ప్రస్తుతం ఈ పిక్స్ సోషల్ మీడియా లో తెగ చక్కర్లు కొడుతున్నాయి.