స్టార్ ప్రొడ్యూసర్ దిల్ రాజు ఫ్యామిలీ నుండి ఒక హీరో రాబోతున్నాడు. ఆశిష్ రెడ్డి హీరోగా అనుపమ పరమేశ్వరన్ ఫీమేల్ లీడ్ గా వస్తున్న సినిమా రౌడీ బోయ్స్. ఈ సినిమాను శ్రీ హర్ష డైరెక్ట్ చేశారు. కాలేజ్ బ్యాక్ డ్రాప్ లో వస్తున్న ఈ సినిమా ట్రైలర్ కొద్ది నిమిషాల క్రితం యంగ్ టైగర్ ఎన్.టి.ఆర్ చేతుల మీదుగా రిలీజ్ చేయించారు. ఆశిష్ డెబ్యూ మూవీగా కాలేజ్ బ్యాక్ డ్రాప్ కథతో రౌడీ బోయ్స్ వస్తుంది. బీటెక్ కాలేజ్ కుర్రాడు.. మెడికల్ కాలేజ్ అమ్మాయిని ప్రేమిస్తే.. ఆ కాలేజ్ కి ఈ కాలేజ్ కి మధ్య యుద్ధం మొదలవుతుంది. అది ఎలా మొదలైంది.. ఎలా ముగిసింది అన్నది రౌడీ బోయ్స్ సినిమా.
కుర్రాడు ఆశిష్ మొదటి సినిమానే అయినా ట్రైలర్ వరకు బాగానే అనిపించాడు. హీరోయిన్ అనుపమ పరమేశ్వరన్ అయితే సినిమాలో గ్లామర్ తో మెప్పించేలా ఉంది. సినిమాలో హీరోతో లిప్ లాక్ కూడా కానిచ్చేసింది అమ్మడు. దేవి శ్రీ ప్రసాద్ మ్యూజిక్ సినిమాకు ప్లస్ అయ్యేలా ఉంది. ట్రైలర్ ఇంప్రెసివ్ గా అనిపించగా సంక్రాంతికి వస్తున్న ఈ సినిమా ప్రేక్షకులను ఏమేరకు మెప్పిస్తుందో చూడాలి. దిల్ రాజు బ్యానర్ లో వస్తున్న సినిమా.. అది కూడా ఫ్యామిలీ నుండి వస్తున్న మొదటి హీరో కాబట్టి సినిమాని బాగానే ప్రమోట్ చేస్తున్నారు మేకర్స్.