అషూ రెడ్డి. బిగ్‌ బాస్‌ రియాల్టీ షో ద్వారా ఒక్కసారిగా ఫేమస్ అయింది. అంతకుముందు సోషల్‌ మీడియాలో తన అందచందాలను ఆరబోస్తూ ఫాలోవర్స్‌ను సంపాదించుకున్న అషూ.. బిగ్‌ బాస్‌ తర్వాత మరింత మందిని తన అభిమానుల లిస్ట్‌ లో చేర్చుకుంది. అరియానా బాటలో వివాదాస్పద దర్శకుడు రామ్‌ గోపాల్‌ వర్మతో హాట్ హాట్ ఇంటర్వ్యూ ఒకటి చేసింది. ఆ స్పెషల్‌ ఇంటర్వ్యూతో మరింత ఫేమస్ సంపాదించింది అషూ.
ఒక వైపు సోషల్‌ మీడియాలో కుర్రకారును ఊర్రూతలూగిస్తూనే.. అప్పుడప్పుడు టీవీ షోల్లో పాల్గొంటుంది. ప్రతి పండగ ఈవెంట్లలో పార్టిసిపేట్‌ చేస్తూ చాలా బిజీ అయిపోయింది అషూ రెడ్డి.
ఇక సోషల్‌ మీడియాలో అషూ రెడ్డి ఎంత యాక్టివ్‌ గా ఉంటుందో అందరికీ తెలిసిందే. తరచూ తన అందచందాలను ఆరబోస్తూ ఆకట్టుకుంటుంది. ఎప్పటికప్పుడు తన షూట్‌లు, తన ప్రాజెక్టుకు సంబంధించిన వివరాలను పోస్ట్ చేస్తూ అభిమానులతో పంచుకుంటుంది అషూ రెడ్డి.
తాజాగా అషూ రెడ్డి ఇన్‌ స్టాగ్రామ్‌లో ఫ్యాన్స్‌తో ముచ్చట్లు పెట్టింది. క్వశ్చన్‌ అండ్‌ ఆన్సర్‌ సెషన్‌లో అభిమానులు అడిగిన వాటికి సమాధానాలు ఇచ్చింది. మాములుగా ఇలాంటి ముచ్చట్లలో నెటిజన్లు వారి ఫోన్‌ నంబర్లు అడుగుతుంటారు. కానీ అషూ రెడ్డికే తన సెల్‌ నంబర్‌ పంపించి, అక్కా నీతో మాట్లాడాలని ఉంది కాల్‌ చేయ్‌ అని కోరాడు ఓ అభిమాని.
తర్వాత అషూ రెడ్డి తల పట్టుకున్నట్టుగా ఓ ఫోటో పెట్టింది. ఈ సందర్భంగా సదరు ఫ్యాన్‌ పెట్టిన ఫోన్‌ నంబర్‌ అందరికీ కనిపించింది. అలా అషూ రెడ్డి అతడి ఫోన్‌ నంబర్‌ను షేర్‌ చేయడంతో.. ఆమె ఫాలోవర్లంతా అతడికి ఫోన్లు చేస్తున్నారట. వరుసగా ఫోన్లు చేస్తూ ఇబ్బండి పెడుతుండటంతో.. సదరు ఫ్యాన్‌.. అషూ రెడ్డికి అక్కా ఆ పోస్ట్ డిలీట్‌ చేయ్‌ అక్కా అంటూ వేడుకున్నాడు. అడగ్గానే అషూ రెడ్డి ఆ పోస్ట్ చేసింది.