సౌత్ స్టార్ హీరోయిన్ అనుష్క ఖాతాలో మరో అరుదైన రికార్డ్ నిలిచింది. తెలుగు, తమిళ భాషల్లో స్టార్ హీరోయిన్ గా క్రేజ్ తెచ్చుకున్న అమ్మడు కమర్షియల్ సినిమాలతోనే కాదు ఫీమేల్ సెంట్రిక్ మూవీస్ తో కూడా సత్తా చాటింది. అరుంధతి, రుద్రమదేవి సినిమాలతో తనకంటూ ఓ ప్రత్యేకమైన ఇమేజ్ ఏర్పరచుకుంది అనుష్క.
ఇక లేటెస్ట్ గా అనుష్క తన ఇన్ స్టాగ్రాంలో 4 మిలియన్ ఫాలోవర్స్ ను క్రాస్ చేసింది. రెగ్యులర్ గా కాకపోయినా సరే అడపాదడపా పోస్టులు పెడుతున్నా సరే అమ్మడికి మాత్రం ఫాలోవర్స్ విషయంలో స్టార్స్ కు పోటీ ఇస్తుంది. ఈమధ్యనే ట్విట్టర్ లోకి వచ్చిన అనుష్క అక్కడ మిలియన్ మార్క్ కు దగ్గరగా ఉంది. ఇన్ స్టాగ్రాంలో మాత్రం అనుష్క వెంట 40 లక్షల మంది ఉన్నారు. ఇన్ స్టాగ్రాంలో 4 మిలియన్ ఫాలోవర్స్ వచ్చిన సందర్భంగా అనుష్క తన ఫ్యాన్స్ కు థ్యాంక్ యూ.. నవ్వుతూ ఉండండి.. ప్రేమలో అనుష్క అని స్పెషల్ మెసేజ్ పెట్టింది.
రీసెంట్ గా అనుష్క నిశ్శబ్ధం సినిమాతో ప్రేక్షకుల ముందుకు వచ్చింది. ఎన్నో అంచనాలతో వచ్చిన ఈ సినిమా నిరాశపరచింది. సినిమాలో అనుష్క డెఫ్ అండ్ డమ్ గా నటించినా సరే ఫలితం లేకుండాపోయింది. ప్రస్తుతం అనుష్క రెండు కథలను ఓకే చేసినట్టు తెలుస్తుంది. ఈ రెండు సినిమాలు ఏంటన్నది మాత్రం ఇంకా తెలియలేదు.