పటాస్, సుప్రీం, రాజా ది గ్రేట్ సినిమాలతో హ్యాట్రిక్ హిట్స్ సాధించిన అనిల్ రావిపూడి..ఎఫ్ 2 , సరిలేరు నీకెవ్వరూ చిత్రాలతో బ్లాక్ బస్టర్ హిట్స్ ను తన ఖాతాలో వేసుకొని టాప్ డైరెక్టర్ లిస్ట్ లో చేరాడు. ప్రస్తుతం ఎఫ్ 3 సినిమాతో బిజీగా ఉన్నాడు. డిసెంబర్ చివరి వారంలో షూటింగ్ మొదలు కానుంది.
ఈ సినిమాను కేవలం ఆర్నెళ్లలోనే పూర్తి చేయాలని చూస్తున్నాడు. ఇప్పటికే కథ, స్క్రీన్ ప్లే అన్నీ పక్కాగా సిద్ధం చేసుకున్నాడు. దాంతో తక్కువ షెడ్యూల్స్‌లోనే సినిమాను పూర్తి చేయాలని ప్లాన్ చేస్తున్నాడు. ఈ సినిమాలో కూడా వెంకటేష్, వరుణ్ తేజ్, తమన్నా, మెహ్రీన్ కంటిన్యూ అవుతున్నారు. ఇక ఈ సినిమా పూర్తి కాగానే నందమూరి బాలకృష్ణ తో సినిమా చేయబోతున్నాడని తెలుస్తుంది.
చాలా ఏళ్లుగా ఈ కాంబినేషన్ పై వార్తలు వస్తున్నాయి. బాలయ్యతో సినిమా చేయడానికి టైటిల్ కూడా రెడీ చేసుకున్నాడు అనిల్. నిజానికి ఆయన 100వ సినిమాను అనిల్ చేయాల్సి ఉన్నా అనుకోకుండా ఆగిపోయింది. అయితే అప్పట్నుంచి ఇప్పటి వరకు కూడా బాలయ్యతో అవకాశం కోసం చూస్తూనే ఉన్నాడు. బాలయ్య ప్రస్తుతం బోయపాటితో బిజీగా ఉన్నాడు. ఇది పూర్తి కాగానే అనిల్ తోనే సినిమా అని గట్టిగా వినిపిస్తుంది.