రంగస్థలం చిత్రం తర్వాత సుకుమార్ తన నెక్స్ట్ సినిమాను అల్లు అర్జున్ తో పుష్ప అనే చిత్రంను తెరకెక్కిస్తున్నాడు. ఈ చిత్రం గందపు చెక్కల స్మగ్లింగ్ నేపథ్యంలో రూపొందుతుంది. ఈ చిత్రంలో బన్నీ లారీ డ్రైవరు గా పుష్పారాజ్ పాత్రలో నటిస్తున్నాడు రష్మిక మందన బన్నీకి జోడీగా నటిస్తుంది. ఈ చిత్రం యొక్క ఫస్ట్ షెడ్యూల్ ని తూర్పు గోదావరి జిల్లా మారెడిమిల్లీ అడవిలో జరుపుకుంటుంది.
ఎక్కువ మంది సభ్యులతో కీలక సన్నివేశాలను దర్శకుడు తీస్తున్నాడు. ఫిబ్రవరి 5న అక్కడ షూటింగ్ ముగించుకుని హైదరాబాద్ కు చేరుకుంటారు. కొన్ని రోజుల విరామం తర్వాత ఈ నెల 18 నుండి సెకండ్ షెడ్యూల్ మొదలవుతుంది. ఈ షెడ్యూల్ లో అల్లు అర్జున్, రష్మిక ల మధ్య ఓ పాట ను షూట్ చెయ్యనున్నారు. జూన్ చివరి నాటికి షూటింగ్ పూర్తి చేసి పోస్ట్ ప్రొడక్షన్ కు వెళ్ళుతుంది. ఆగష్టు 13న ఈ చిత్రం ప్రపంచ వ్యాప్తంగ విడుదల అవ్వుతుంది. ఇప్పటికే ఈ చిత్రం నుండి విడుదలైన అల్లు అర్జున్ లుక్ ఆకట్టుకుంటుంది.
అల్లు అభిమానులు ఈ లుక్ పై పండగ చేసుకుంటున్నారు. మరో హిట్టు కొట్టడం ఖాయం అంటూ కామెంట్స్ చేస్తున్నారు. ఈ చిత్రానికి దేవి శ్రీ ప్రసాద్ సంగీతం అందిస్తున్నాడు. మైత్రి మూవీ మేకర్స్, ముత్తమ్ శెట్టి మీడియా బ్యానర్ పై నవీన్ యేర్నేని. వై రవి శంకర్ లు నిర్మిస్తున్నారు. ఈ చిత్రాని తెలుగుతో పాటుగా మలయాళంలో రూపొందుతుంది. అల్లు అర్జున్ కు మాలీవుడ్ లోని బీభత్సమైన ఫాలోయింగ్ ఉంది. ఆ విషయాని దృష్టిలో పెట్టుకుని అక్కడ కూడా విడుదల చెయ్యనున్నారు. సుకుమార్ చిత్రం తర్వాత కొరటాల శివ దర్శకత్వంలో అల్లు అర్జున్ ఓ సినిమా చెయ్యనున్నాడు.