గౌరవం చిత్రంతో తెలుగు ఇండస్ట్రీ కి హీరోగా పరిచమైన అల్లు శిరీష్..ఇప్పటివరకు నాల్గు సినిమాల వరకు చేసినప్పటికీ అందులో ఓ మోస్తరు విజయం సాధించిన చిత్రం శ్రీరస్తు శుభమస్తు. గీత గోవిందం ఫేమ్ పరుశురాం డైరెక్ట్ చేసిన ఈ మూవీ లో శిరీష్ కు మంచి మార్కులే పడ్డాయి. ఇక గత కొంతకాలంగా కొత్త సినిమాను ప్రకటించకుండా సైలెంట్ లో ఉన్న శిరీష్..ఎట్టకేలకు తన కొత్త చిత్రాన్ని ప్రకటించాడు.
ఈసారి కూడా తమిళ్ రీమేక్ నే నమ్ముకున్నాడు. తమిళంలో మంచి విజయాన్ని అందుకున్న ‘ప్యార్ ప్రేమ కాదల్’ చిత్రాన్నే రీమేక్ చేస్తున్నారు. ఒరిజినల్ చిత్రాన్ని ఎలన్ డైరెక్ట్ చేయగా తెలుగు రీమేక్ ను రాకేశ్ శశి తెరకెక్కిస్తున్నారు. ఒరిజినల్ వెర్షన్లో హరీశ్ కళ్యాణ్ హీరోగా నటించగా రైజా విల్సన్ కథానాయకిగా చేసింది. ఇక తెలుగు రీమేక్లో శిరీష్ సరసన ఎవరు నటిస్తున్నారో ఇంకా తెలియాల్సి ఉంది. ఈ చిత్రం పూర్తిస్థాయి రొమాంటిక్ కామెడీ ఎంటెర్టైనర్ గా ఉండనుంది. హైదరాబాద్లో ఈరోజే రెగ్యులర్ షూట్ మొదలైంది.